Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

18: Jacob Haránse nade

18: Jacob Haránse nade

¿BE WISI doamarbo Jacob sunmakgwichi? Ibamar nadapi gusadgi, Jacob wemar abingunoniki dia nagaba. Na ovejamar edarbedimalad. Jacob wemarse egicha: ‘¿Bemar bialidi?’

‘Anmar Harán ginmaladi,’ abin sogmala.

Jacob egisde bali: ‘¿Mag bemar Labán dakmala?’

‘Eye,’ abin sogmala. ‘Be dakena, e sisgwa Raquel, e bab ovejamar sedanikid.’ ¿Be Raquel danikidi dakmoga?

Jacob geb na Raquelbo abinguarmalad

Jacob e gilordi nuga Labán, geb Jacob, Raquel dakargua, Labán ovejamar idudii, nade geb akwa dia birgi siid onirisa ovejamar nabir dii gobmalaga. Degid gine Jacob, Raquel wagar usa geb ega sogsa edi doagi. Raquel yeer itosa geb e negse nade, degine, e bab Labánga bela ibmar gusad sogsa.

Labán yeer itosmoga Jacob e negse obunnononigua. Geb Labán yeer itosbali, Jacob eg sogsagua Raquel nikgubiye. Aukine Jacobga soge, Raquel nikguega birga gugle e nainugi arbagweler gebye. Ar bela belad Raquel abesoggua, Jacob deyobi imasad. Aukine na nikgumalad iba owarmasgua, ¿be wisi igi ibmar gusa?

Labán, Raquel anar e sisgwa bur dummad, Lea nugadi, Jacobga uksa. Jacob Labánbo gannar igar mesisbali baid birga gugle arbabaliga geb Labán ega Raquel yog ukarbarsunna nikguega. Aa ibagangi Bab Dummadi basur daksa machergan bukidar omegan nikguedi. Aukine, emisgindi, Biblia anmar odurdake unnila ome wargwen nikgulegoye.

Génesis 29:1-30.



Egislenaid

  • We yaagwa gardag oyolenaidi, ¿doawa, geb ibu Jacob we yaagwag imasa?
  • Jacob, Raquel nikgueg, ¿ibu ibmar imakosurye binsachuli?
  • Jacob, Raquel nikgued iba owarmaksagua, Labán ¿ibu imasa?
  • ¿Jacob ibu imasa nabir Raquel nikguega?

Bamalad egislenabalid

  • Absoge Génesis 29:1-30.

    Labán, Jacob yardasa inigwale, ¿igi Jacob na oyosa dule dodoakwa daed suli, geb ibu anmar weg durdake? (Gén. 25:27; 29:26-28; Mat. 5:37.)

    ¿Igi Jacob gudigusadgi oyolege, ome abeed napiragwad akar gue, binsa ukiar binar gued bogwa? (Gén. 29:18, 20, 30; Cant. de Cant. 8:6.)

    ¿Doamar guchunna omegan warbake Jacob negyag gudigusmalad, Jacobbo goe baksamalad? (Gén. 29:23, 24, 28, 29.)