Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

17: Darbogwad na akarmalad

17: Darbogwad na akarmalad
Esaú

WEGI masmala warbo be dakedi na ebo dikasur akarmalad, ¿insoa? ¿Be wisi wemar igi nugmala? Ibmar makedgi arbaedi Esaúye nuga, geb machigwa oveja akwedgi arbaeddi Jacobye nuga.

Esaú, Jacobbo na darbo gwalulesmala. Isaac, Rebeca bogwa we masmala e serganmalana. Isaacdi bur yeer Esaú dakdae ar san makechoggu, geb mas senonidabali e gwenadgan ogunnega. Aukine Rebecadi Jacob bur binar itomoga, ar we dina dule boo daedi, gade gade daed suli.

Dador Abrahán amba aunni dula gudii, degsoggu itoger saele, Jacob yeer itos daer gebed e dador ega Jehová igarba sunmakalir. Abrahán burgwenoniki 175 año nikadgi; aunni, we masmala darbo gwalulesmaladdi, 15 año nikmalad gine.

Esaú  40 año nikadgi omegan warbo nikgusa, omegan Canaán neggwebur ginmaladi. We ibmar gusad bali Isaac, Rebeca bogwa nue bukib itosmala, ar we omegandi Jehová na e Bab Dummadga imachurmalad.

Degiid gine, ibagwengi ibmar soggwen gusadba Esaú e urba Jacob abin sae itononiki. Dakargua ibamar owarmasa, Isaac na e machi bur dummadga ibmar nued nikguoye sogoed iba. Ar Esaú, Jacob e iasoggu, Esaú abitoge eg soglegedi be ibmar nued nikguoye. Aukine Esaúdi bat Jacobga sogsa gudiina, beg bur soglegoye be ibmar nued nikguoye. Degine, we masmala gwalulesgua, Bab Dummad sogsa gusbali Jacobga soglegoye be ibmar nued nikguoye. Deyob ibmar gunoniki. Isaac, e machi Jacobga sogsa, be ibmar nued nikguoye.

Jacob

Sorbali Esaú we ibmar gusad wisgunonigua, Jacob abin sae itononiki. Bela bela sae itoge, geb sogsa Jacob oburgoye. Rebeca we ibmar wisgunonigua, nue bukib binsaali. Degsoggu na e sui Isaacga soggali: ‘Jacob, Canaán gined ome nikgunonimogale, anmar bur bule bukib itodii guoe.’

Degsoggu Isaac, e machi Jacobse gocha geb ega sogsa: ‘Mer Canaán gined ome nikguo. Bur be Haránse nao, be dador Betuel negse. Geb be gilor Labán e sisgwa wargwen be nikguo.’

Jacob bela e bab sogedba imasa, degsoggua dikasur nade, Haránse owarmakega, e gwenadganse.

Génesis 25:5-11, 20-34; 26:34, 35; 27:1-46; 28:1-5; Hebreos 12:16, 17.



Egislenaid

  • ¿Doa dule gusmala Esaú, Jacobbo, geb ibug na ebo akargusmala?
  • ¿Esaú, Jacobbo igi birga nikmaladgi, e dad Abrahán burgwenoniki?
  • ¿Esaú ibu ibmar imasadba e sergan bukib itosmala?
  • ¿Ibig Esaú nue sae itosa e urba abinni?
  • ¿Isaac, e machi Jacobga ibu igarmar uksa?

Bamalad egislenabalid

  • Absoge Génesis 25:5-11, 20-34.

    ¿Ibu ibmar gunonikoedi Jehová iduakwa sogsa, Rebeca e masmala warbogwachik? (Gén. 25:23.)

    Epenne, machigwa sailaginedile, ega ibmar ukledae. ¿Ibu gine akala Jacob igi we ibmar daksa, Esaú, we ibmar daksadbo? (Gén. 25:31-34.)

  • Absoge Génesis 26:34, 35; 27:1-46; geb 28:1-5.

    ¿Igi mag nue daklegusa, Esaú Bab igar binarsuli? (Gén. 26:34, 35; 27:46.)

    Jacobga Bab Dummad ibmar nued imakega, ¿ibu ibmar imakoye Isaac ega sogsa? (Gén. 28:1-4.)

  • Absoge Hebreos 12:16, 17.

    ¿Igi Esaú gusadgi oyolege, igi gumaloe dulemar ibgwensur Bab Dummad ibmar imakmaladi?