Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

16: Isaar gala ome nued amilesa

16: Isaar gala ome nued amilesa

WEG sobarnaidgi ome danikidi, ¿be mag dake? Rebecaye nuga. Abin dakgwichid dina Isaacye nuga; Rebeca, Isaac nikguoe. ¿Igi ibmar weyob gunonisunna?

Abrahán, Isaac e baba, ome nued na machiga abege. Abechuli Isaac omegan Canaán ginmalad nikguedi, ar we omegandi ibmar bamalad na e bab dummadga imasdamala. Agala Abrahán, e maiga gudiiche gocha geb ega sogsa: ‘Haránse be gannar naed an abege an gwenadganse, geb be an machi Isaac gala ome amigega.’

Degsoggu Abrahán e maiga gudiidi, camellomar waarbe amisa geb dikasur nade. Abrahán e gwenadgan mamaid owarmakbingua, dia nagabali obunnononiki. Bat neg mutik gubinne, omegan neggwebur ginmaladi dii wedanimala. Degsoggu Abrahán e maiga gudiidi Jehováse gotesunna: ‘Bitiki ome anga dii weoedi geb camellomar gala, adi be susan gadina Isaac nikguega.’

Rebeca, Isaacbo geb na abinguarmalad

Sanar guchuli Rebeca dii wedaniki. Abrahán maiga gudiidi ese dii egichagua, Rebeca ega dii wesa. Geb sorbali bukidar dii wesbali camellomarga. Dummad alamasa, ar camellomar napiragwad dii gobmalad.

Rebeca arbaed bergusgua, Abrahán e maiga gudiidi ese e sergan nug egichali. Geb amba ese egicha bali nabir mutikidba emar negyag obunnosar sogeye. Rebeca abin sogde: ‘An bab Betuel nuga, geb an neggi be nabir megisale.’ Abrahán e maiga gudiidi wisi, Betuel, Nacor e machi, geb we Nacor, Abrahán e gwenadi, na bab mesamaladi. Degsoggu yokorgi sigwis geb nuedye Jehovága sogsa, Abrahán e gwenadganse e sesad bali.

Aa mutikidba Abrahán e maiga gudiidi Betuelbo sunmasa geb Labánbo; Labán dina, Rebeca e susud. Geb Abrahán e mai, wemarga sogsa ibu ular daniki. Ebober sogsamala Rebeca nabir naye, nabir Isaac nikguoye. ¿Igi Rebeca dina sogsamoga ese egisleargua? Eye, nabimoye sogsa. Degsoggua oibosgu camellomar birgi nakwismala geb dikasur nadmarsunna, Canaán neggweburse owarmakega.

Owarmakdabmargua, bat mutiki. Rebeca dina dakali machered garmakdii. Dakargua, Isaac garmakdii. Isaac dina yeer itoali Rebeca dakargu. Sara, Isaac e nana, birgabaa gusa bat burgwisad akale, aulale Isaac amba wile itodii. Aukine emisgin dina bela bela Rebeca abeali, degsoggu gannar yeer ito gunonibali.

Génesis 24:1-67.



Egislenaid

  • Machered, omebo be weg dakedi, ¿doamarsunna?
  • ¿Ibu Abrahán imasa e machig ome amiega, geb ibig deyob imasa?
  • Abrahán e maig gudiid Bab Dummadse ibmar egichad, ¿igi Bab Dummad abin imasa?
  • ¿Igi Rebecadi sogsa ese egislesgu, be Isaac nikgubi sogeye?
  • ¿Ibu ulale Isaac yeer ito gannar gunonibali?

Bamalad egislenabalid

  • Absoge Génesis 24:1-67.

    ¿Igi nued dae na Rebeca oyosa, Abrahán maig gudid dia nagab abingunonigu? (Gén. 24:17-20; Pro. 31:17, 31.)

    ¿Ibu igar nued cristianomarga megisa, Abrahán, Isaacga ibmar imasadgi? (Gén. 24:37, 38; 1 Cor. 7:39; 2 Cor. 6:14.)

    ¿Ibig anmar iba amiged abelege nue itoakwa binsaega, ar igi Isaac imakdii gusmoga? (Gén. 24:63; Sal. 77:12; Fili. 4:8.)