Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

12: Dulemar neg matusulid sobde

12: Dulemar neg matusulid sobde

BIRGAMAR yeer nasa. Noé masmala bukidar mimmigan nikgusmala, geb we mimmigan dungusgua na mimmigan nikgusmarmoga. Degsoggu, sanar guchuli dule bukib Napaneggi ambakgunoniki.

Aaun dule wargwen gudigusadi nuga Nemrod, Noé wagwa yargan daksikidi. We dina dule isganana, ibmar durgan makdae geb iblodabali, amba deyopiragwa dulemar imakdabali. Nemrod reiga na imasbali, dulemar idugega. Bab Dummad nued Nemrod daksasuli.

Aaun dulemar unnila gaya soggwenna sunmakmalana. Nemrod abegena bela burakwa ambakguedi, edi wemar dummadga nabir guega. ¿Be wisi aaga, ibu imasa? Emarga sogsa neggwebur simaloye geb neg matusulid sobmaloye. We sobarnaidgi be dakena, napa ginnid sobnanaid.

Bab Dummad Jehová nued we neg matusulid daksasuli. E dina abegena dulemala neg baid baid siki namaladi, bela neg dirbimakar dulemar gudiguega. Aukine emardi sogsa: ‘¡Sobmarsi! Neggwebur soggwen anmar sie geb neg matusulid anmar sobbalo e duku nibnegse owarmakega. ¡Geb anmar nug dunguoed!’ We dulemar unnila e nug dunguedgi binsasmala, Bab Dummad nug odummoged gindi binsachurmala.

Aaga Bab Dummad imasa dulemala mer bar we neg matusulid sobed. ¿Be wisi igi imasa? Ukiagwale imasa dulemar gaya akar akar sunmake gued, bar gaya soggwenbi sunmachurmala, degsoggu na aku itogusmarsunna. Aaga e neggwebur onuggulenoniki Babel, Babilonia dibe; we obare “Oeleged.”

Emisgi dulemar Babel neggweburgi gudimaladi ber nadmarsunna. Na emarbi sunmakmaladi burakwa burakwa neg soggwensik nadmala.

Génesis 10:1, 8-10; 11:1-9.

Dulemar neg matusulid sobnanaid


Egislenaid

  • ¿Nemrod doa dule geb igi Jehová we dule daksasa?
  • Sobaledgi, ¿ibigala dulemar napa ginnid sobnanai?
  • ¿Ibigala Jehová nued daksasuli neg matusulid sobed?
  • ¿Ibu imasa Jehová neg matusulid mer bar sobmalaga?
  • ¿Igi onugsalesa we neggwebur, geb ibu obare we nuga?
  • ¿Dulemar ibu imasmala Jehová ei gaka oburusad sorba?

Bamalad egislenabalid

  • Absoge Génesis 10:1, 8-10.

    ¿Igi dae na oyosa Nemrod, geb igi Biblia we ibmarsik anmar unae? (Pro. 3:31.)

  • Absoge Génesis 11:1-9.

    ¿Ibig neg matusulid sobe soggarmala, geb ibig ega guosur guoena? (Gén. 11:4; Pro. 16:18; Juan 5:44.)