Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

11: Sue gebe megnonikid

11: Sue gebe megnonikid

¿BE WISI ibu insogi imasmala Noé egwenadgan bogwa arca yaba bukwa nosmargua? Noé Bab Dummadga ibmar soggwen uksa. Sobarnaidgi be dakena we ibmar imaknaid. Noé we ibmar durgan uksa Bab Dummadga nuedye sogega, dii dummad wisadgi e gwenadgan bendasadba.

Arca maid geb sue mabalid

¿Jehová we ibmar nued daksa be binsae? Eye, nued daksa. Ar aaga Jehová, Noé gala sogsa bar bipisaar dii dummad wiedgi dulemar oberguosurye.

Sanar guchuli napa bela dingusa, Noé na e gwenadgan burakwa gannar gudigudmarbali arcagi nosmalad sorba. Bab Dummad emarga ibmar nuegan uksa geb ega sogsa: ‘Mimmigan bukidar nikgumalo. Bukidar gumalo bela we Napaneg ugakse dulemar ambakuegar.’

Aukine sorba dulemar dii dummad wisadgi sunmakalile, sun dobe itoarmalale, sun binsaarmalale gannar dii dummad weyob sun wisbalir dakleye. Aaga Bab Dummad ibmar soggwen mesisa, dulemar E ibmar sogsad ebinsaega: Bar bipisaar dii dummad wiedgi Neg dogosurye. ¿Be wisi dulemar we ibmar ebinsaega, Bab Dummad ibu mesisa? Sue mesisa.

Noé e gwenadganmar gunaid

Dii wisad sorba Dad gaalile bali balisaar sue megnonidae. Sue megnonikile yeer dakledae. ¿Be sue dakdimoga? ¿Weg sobarnadgi be daksa?

Wegi Bab Dummad sogsa: ‘Bela dulemar geb bela ibmar durgan dii dummad wiedgi an bar obelogosuli. Mogir imbaba an sue mesisa. Sue megnonisundibe an dakoe, geb an ebinsaoe ibu an bemarga sogsa.’

Aaga, sue mai be dakar sundibe, ¿ibu be ebinsaoe? Bab Dummad ibmar sogsadi be ebinsaoe: Bar bipisaar dii dummad wiedgi dulemar oberguosurye.

Génesis 8:18-22; 9:9-17.



Egislenaid

  • Sobaledgi be dake, ¿ibu inso Noé imasa arca yab sii nosgu?
  • Dii Dummad wisad sorba, ¿ibu ibmar imakmaloye Jehová, Noéga geb e gwenadga sogsa?
  • ¿Ibu bar imakosurye Jehová sogsa?
  • Sue mai anmar dakalile, ¿ibu anmar ebinsaoe?

Bamalad egislenabalid

  • Absoge Génesis 8:18-22.

    ¿Emi ibag ibu anmar ibmar wawadik Jehovág ogummakar uklegedyob uksamogale? (Gén. 8:21; Heb. 13:15, 16.)

    ¿Ibu dulemar gwageg nai Jehová daksa, geb degsoggu ibig nuedi anmar daked, ibu ibmargi anmar gwage binsanai? (Gén. 8:21; Mat. 15:18, 19.)

  • Absoge Génesis 9:9-17.

    ¿Ibu igar mesisa Jehová dulemarbo geb ibmar durgan Napaneggi gudimaladbo? (Gén. 9:10, 11.)

    Jehová sue mesisgu igar mesisadi, ¿birga bigwa mai guoe? (Gén. 9:16.)