Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

9: Noé arca sobsa

9: Noé arca sobsa
Dulemar Noéga allebukmalad

NOÉ, ome nikana geb masmala warbaa nikbalina. E masmaladi nugmalana Sem, Cam geb Jafet. We masmala na warwargwen ome nikgusmarmoga. Degsoggu bela Noé negyag ebaabakmala.

Emisgindi Bab Dummad imasa Noé ibmar akar saila imakedi. Arca soboye ega sogsa. We arca bipisuli, ur dummadyob, ar ulugwa dummadyob daklege, mullu suli. Bab Dummad ega sogsa: ‘Aila darbaa imako, cuartomar imakbalo.’ Cuartomar imaklesa Noé gala geb e gwenadganga, ibmar durganga geb bela mas gullemalad urbega.

Bab Dummad Noég sogsa arca geg egi dii doge imakoye. Bab Dummad sogsa: ‘An dii dummad owioe, bela neg dirbimakar ibmar bukwad oberguedga. Ibmar arcayab dogsulile, burgoe.’

Noé e masmalabo, Jehová sogedba ibmar imasmala geb arca sobdemala. Ar bamaladdi unnila ega allismala. Ibmar isgana indachurmala. Noé emarga sogsagua Bab Dummad ibu ibmar imakoe, dule wargwensaar itochuli.

Noé gwenadgan arca yaba ibmar durgan odonanaid, mas osobnanabalid.

Arca bipisursoggua, sobeg beeche galesa. Birgamar nadapidgi, ogunoniki. Jehová, Noég sogdeba ibmar durgan arcayab odogoye. Abar warwarbo odogoye, omebo omeboye. Auki baigan ibmar durgandi, Jehová ega sogsa gugle mergu odogoye. Amba Noég Bab sogsaba sikwimar akar akar odobaloye. Noé, Bab sogsad balilla imasa.

Sorbali Noé, e gwenadganmala arcayab dogsamarmoga. Degiidgi Bab arca wagag edusa. Weyab Noé, e gwenadganmala edarbe bukgusmala. Be binsaena, beyab abitosiid. ¿Bab sogsadyob dii dummad wiodibe?

Génesis 6:9-22; 7:1-9.



Egislenaid

  • ¿Noé neg yagi e bigwa gumalana, geb e masmala warbaagwad igi nugmala?
  • ¿Ibu ibmar dakledisulid Bab Dummad, Noég sogsa be imakoye, geb ibigala?
  • ¿Igi guarmala Noé neg nagab mamaidi, we ega arca gine sunmakargua?
  • ¿Igi ibmar durgan imakoye Bab Dummad, Noég sogsa?
  • Bab Dummad arca e wagag edisad sorba, Noé geb e gwenadganmar ¿ibu imasmala?

Bamalad egislenabalid

  • Absoge Génesis 6:9-22.

    ¿Noe igi ibmar imakdi gusadba bamalad Babga arbasmaladbo akar gusa? (Gén. 6:9, 22.)

    ¿Jehová igi dake dulemar na sabsur imakmalad, geb anmar we ibmar wisidba, ibig nuedile mer anmar yogasar dodoged amigedi? (Gén. 6:11, 12; Sal. 11:5.)

    ¿Igi anmar Noé yobi imasmogale, Jehová e neggwebur idudimalad anmarga igar ukalile? (Gén. 6:22; 1 Juan 5:3.)

  • Absoge Génesis 7:1-9

    ¿Igi anmar ogannoe Jehová, Noé dule nued gue daksadi, amba isgued nikmoga inigwale? (Gén. 7:1; Pro. 10:16; Isa. 26:7.)