Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

6: Machi nued geb machi isgana

6: Machi nued geb machi isgana

EMISGINDI be dake Caín, Abel bogwa. Ebober bat dungusmala. Caín sapurba arbaedga gusa. Ibmar gulleged digedgi arbae.

Caín, Abelbo Babga ibmar uknanaid

Abel dina oveja akwedga gusa. Geb yeer itodae oveja mimmigan akwed bali. Sanar guchuli e ovejamar dungudmarsunna, geb Abel oveja dangwen nikgusa akwega.

Ibagwengi Caín, Abel bogwa Bab Dummadga ibmar uknadmala. Caín dina ibmar gulleged digsadi sesa. Geb Abel dina oveja bur nued nikadi sesmoga. Jehová bur nued Abel daksa geb nued e ibmar sesad daksa bali. Aukine, nued Caín daksasuli geb nued daksasurbali e ibmar sesadi. ¿Be wisi ibigala?

Binsa unnila Abel e ibmala bur nued Caín gadba gued barsuli. Abel dule nued gued bali. Ar Jehová sabe geb amba e ia sabbali. Aukine, Caín dina dule isgana; e urba sabsuli.

Aa gala Bab Dummad Caín gala sogsa, be daed be ogwaoye. Aukine, Caín dina eba igar sachuli. Ar bur sae itode, Bab Dummad bur Abel nued daksadba. Caín, Abel gala soggali: ‘Anmar weba nae, sapurba.’ Sapurbar gusgua, unnila ebo abin gusgua, Caín e urba sarsosa. Sabsur sarsosa oburgweche. Be binsagua, ¿Caín ibmar isgana dummad imachur be binsae?

Caín, Abel oburgwis wakinmaid

Abel burgwis inigwale Bab Dummad iechuli. Abel dule nuedina, geb Jehová dule degimalad wichur iege. Aa gala ibagwengi, Bab Dummad Jehová gannar Abel odulogoe. Aa ibagan gindina Abel bar burgwichulile. We Napaneggi sadegua gudigusale. ¿Nued guosur be binsae dulemar Abel yobi damalad anmar mag dake gunonikir?

Aukine Bab Dummad dina nued daksuli dulemar Caín yobi damaladi. Aa gala Bab Dummad, Caín barmisa e urba oburgwisad sorba, neg baid siki, dikasur e gwenadgangi. Caín neg baid siki gudigunadgua na e bun wargwen sesa, geb we e omega gunoniki.

Undaradgi Caín e ome bogwa burwigan nikgusmala. Adán mimmigan bamalad dina abirgin nikgudmarmoga geb burwigan nikgusmarmoga. Sanar guchuli dulemar bukidar Napaneggi mergude. Anmar dakoena wemar dega abar doamala.

Génesis 4:2-26; 1 Juan 3:11, 12; Juan 11:25.



Egislenaid

  • ¿Caín ibug arbaali geb Abeldi ibu ginmoga?
  • ¿Caín ibu ibmar Jehová gala uksa geb Abeldi ibu uksamoga?
  • ¿Ibig Jehová nued daksa Abel eg ibmar sesadi, geb ibigala Caín gaddi nued daksa suli?
  • ¿Caín dule igi daedi, geb igi ega Jehová sogsa onudakega?
  • ¿Caín igi e urba imasa sapurbar gusgu?
  • Be nabir sogsale, ¿igi Caín gusa e urba oburgwisad sorba?

Bamalad egislenabalid

  • Absoge Génesis 4:2-26.

    ¿Igi Jehová, Caínga sogsa be boni dummad amigoye? (Gén. 4:7.)

    ¿Igi mag daklesa Caín gwage igiidi? (Gén. 4:9.)

    ¿Jehová igi dake dule ibmar isgana imakdisulid oburgwilesale? (Gén. 4:10; Isa. 26:21.)

  • Absoge 1 Juan 3:11, 12.

    ¿Ibig Caín bela bela sae itosa, geb ibu anmar egi durdake? (Gén. 4:4, 5; Pro. 14:30; 28:22.)

    Amba bela anmar gwenadgan Jehová bali nasur inigwale, ¿igi Bibliadi anmarse oyoge, amba nabir anmardi Jehová bali innikigwadba nai gusarye? (Sal. 27:10; Mat. 10:21, 22.)

  • Absoge Juan 11:25.

    ¿Igar nuegan mamaid ular burgwismalad gala, ibu Jehová imakoe? (Juan 5:24.)