Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

2: Neg yeer dakleged

2: Neg yeer dakleged

¡BE DAKE! ¡Belagwable neg yeer daklege! Gaganmar be dake, geb sapimar, dutumala geb bela ibmar durgana. ¿Be daksa bia elefante nai geb leónmar?

Edéngi ibmar durgan yaisulinad

¿Igi nabir weyob neg yeer dakle gunoniki? Anmar dakoena igi Bab Dummad anmarga Napaneg nudaksa.

Bab Dummad gebe unni gagan aradiki onisa napa birgi. Geb dutumar galagwensur daklegedi imasbali, sapi matugana geb sapi dummagana. We ibmarmar dunguder bur Napaneg yeer dakle imaked. Aukine, unnila neg yeer daklegedbi imachulid. Bukidar we sapimala ibmar yeer gullemalad anmarga ukbali.

Sorbali, Bab Dummad imasa uamar dii yagi gudiguega, geb sikwimardi niba gukgudi gumalaga. Geb achumar imasbali, mismar geb molimar; ibmar durgan dummagan geb ibmar durgan burwigana. ¿Be neg nagab ibmar durgana nikmoga? ¡Ibiyob Bab Dummad dule nued gusa, anmarga bela ibmar imasadba!

Napid gine, Bab Dummad imasa nagnu soggwen bamaladba bur nued guedi. Onugsasa Edén neg yeer dakleged. Aagi ibmar ichakwagwad satena. Belagwable aagi ibmar nikadi yeer daklegena. Bab Dummad abegena bela Napaneg, neg yeer dakleged imasadyob gued.

Ar gannar weg sobaled be dakbalina. ¿Be wisi ibu Bab Dummad daksa, amba napina we neg yeer daklegedgi? Anmar dakoena.

Génesis 1:11-25; 2:8, 9.



Egislenaid

  • ¿Igi Bab Dummad anmarga Napaneg nudasa?
  • Bab Dummad ibmar durgan akar akar dakleged imasa. ¿Bitimar be sun sogsale? (Sobaled be dake.)
  • ¿Ibig Edén neg yeer dakleged, bur nuedina bamaladba?
  • ¿Igi Bab Dummad bela Napaneg dakle gued abesana?

Bamalad egislenabalid

  • Absoge Génesis 1:11-25.

    Bab Dummad ibnergwa gine ibmar imasa. ¿Ibbaa gine, ibu imasa? (Gén. 1:12.)

    ¿Ibbake gine ibu imaklesa? (Gén. 1:16.)

    Ibataledgi geb ibnergwagi, ¿ibu ibmar durganmar Bab Dummad imasbali? (Gén. 1:20, 21, 25.)

  • Absoge Génesis 2:8, 9.

    Neg yeer daklegedgi, Bab Dummad sapi warbo bamaladbo akar gued ogwichisbali. ¿Bitimar we gusunna geb ibu oyogedga we sapimar ogwislesmala?