Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

110: Timoteo, Pablo bendakedi

110: Timoteo, Pablo bendakedi

SAPINGWA apóstol Pablo walik gwichi be dakedi nuga Timoteo. Timoteo na gwenadgan walik gudii Listragi. E nan nuga Eunice geb e muu nuga Loida.

Wes irbaa gude Pablo Listras atakedi. Birgagwen guchaale Pablo, Bernabébo gebe saila unni weg gudigusmarbali, Bab igargi sunmakega. Emisgi Pablo na e ai Silasbo gannar nonibali.

Timoteo Pablobo

¿Be wisi igi Timoteog Pablo soggwichi? Ese egisgwichi: ‘¿Be anmarba nabimoga? Nabir be anmar bendasaled, neggwebur dikasur nanaidgi dulemar bukmaladga Bab igargi sunmakega.’

Timoteo soge: ‘Eye, an nabie.’ Degsoggu, Timoteo na gwenadgangi bangude, geb Pablo bali geb Silasba nadsunna. Aukine we nadmaladsik anmar durdaked iduale, bin anmar dakoloe igi Pablodi gudigusmo dibe. Damasco igarba Pablo, Jesús itosad akale, 17 año guchaale.

¡Nue ebinsao, Pablo Damascos noni gusa Jesús sapingan naibi saega, auki emidi e na Jesús sapinga gusmoga! Beeche gine, e istarmalad Pablo oburgwebi gusmala, auki bamalad Jesús sapingan Pablo bendasmala nabir wakinnega. Garbag neggwebur muro maid daksiki odesmala.

Sorba, Pablo nade Antioquíase Bab igargi sunmakega. Agine Jesús sapingan gebe bilenonimala cristianoye. Geb Antioquíag gudimaladgi Pablo, Bernabébo barmilesmala dulemar dikasur bukmaladga Bab igargi sunmaknamalaga. Neggwebur Listra nugadse atakapmala, Timoteo aa ginedi.

Emisgi, birgagwen guchaaled gine, Pablo irbogus neggweburse atakdiidgi, gannar Listras nonibali. Geb Timoteo, Pablobo geb Silasbo nadgua, ¿be wisi bia nadmala? Mapa be dakena geb anmar durdakoe.

Gebe unni nadmala Iconiose, adi itaka nai, geb sorba nadmala baid neggwebur, Antioquíaye bilebaliche. Sorbali Troas sega nadmala, degine, Filipos, Tesalónica geb Berea. ¿Be daksa mapag bia Atenas nai? Pablo weg Bab igargi sunmasa. Aa sorba, birgagwen abala Bab igargi sunmakdi gusmala Corintogi. Napidgi, Éfesog iche gudigusmala. Sorba, sourgi gannar Cesareas nonimala, geb Antioquías nadmala, asega Pablo megnoniki.

Degsoggu Timoteo yeer bangu obakdii gusa, Pablo bendakedga Bab “ibmar nuegan” mamaidgi sunmakega, geb bukidar dulemar urbiali Cristo sordagan gala guega. Be dungusale, ¿Timoteo yobi be Bab Dummadga nuekwa arbadii gumogoe?

Hechos 9:19-30; 11:19-26; capítulo 13-17 sega; 18:1-22.

Mapa

1. Roma; 2. Malta; 3. Berea; 4. Tesalónica; 5. Corinto; 6. Filipos; 7. Atenas; 8. Creta; 9. Troas; 10. Éfeso; 11. Mileto; 12. Colosas; 13. Antioquía; 14. Iconio; 15. Listra; 16. Chipre; 17. Antioquía; 18. Cesarea; 19. Jope; 20. Damasco; 21. Jerusalén; 22. El Mar Grande (Mediterráneo)



Egislenaid

  • Sobarnaidgi sapingwa be dakedi ¿doawa, bia gidi, geb igi e nan nuga geb e muu dina?
  • ¿Igi Timoteo sogsa, Pablo ese egichagua nabisur sogeye e bali geb Silas bali dulemar neg bannabamalad sega Bab igargi sunmake gala?
  • ¿Ibu neggwebur gine gebe Jesúsba nanamalad bilenonimala cristianoye?
  • Pablo, Silas geb Timoteomala Listra gine nodmargua, ¿igi neggwebur nugmalad sega atakapmala?
  • ¿Igi Timoteo, Pablo bendasa, geb nusganamar emi iba gine, ibu na egismaladi?

Bamalad egislenabalid

  • Absoge Hechos 9:19-30.

    Bab igar gine sunmaked ulale istar dakleargua, ¿igi Pablo binsaed nikaa ibmar imasa? (Hech. 9:22-25, 29, 30; Mat. 10:16.)

  • Absoge Hechos 11:19-26.

    ¿Igi Hechos 11:19-21, 26 gine oyolenai Bab burba nued Bab igar gine sunmaklenaid idumai?

  • Absoge Hechos 13:13-16, 42-52.

    ¿Igi Hechos 13:51, 52 gine soglenai, Jesús sapingana amba istar daklesa inigwale, bipisaar binsachurmala mer bar Bab igargi sunmaknaidgi? (Mat. 10:14; Hech. 18:6; 1 Ped. 4:14.)

  • Absoge Hechos 14:1-6, 19-28.

    ‘Jehová bendakeg imasmarye’ soglenaidi, ¿igi anmar bendake emichaar Jehovág sunmakedga gunonimaladba mer anmar doggus bukib binsaega? (Hech. 14:21-23; 20:32; Juan 6:44.)

  • Absoge Hechos 16:1-5.

    Timoteo surye sogsasulidi ega soglesgua be abgan duku sikoye, ¿igi we ibmar gine anmar durdake ‘Bab ibmar nuegan mamaid nug gine bela ibmar imaked’ nuedye? (Hech. 16:3; 1 Cor. 9:23; 1 Tes. 2:8.)

  • Absoge Hechos 18:1-11, 18-22.

    ¿Igi Hechos 18:9, 10 gine soglenai Jesús sunnadi Bab igar gine sunmaklenaid idumaye, geb ibigala anmar we ulale nued itogedi? (Mat. 28:20.)