Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

108: Damascos nadapgu

108: Damascos nadapgu

¿BE WISI we dule napag maidi, doawa? Saulo. Esteban sarsosmaladga, mor edarbegwichi gusadi. ¡Emisgi, neg mee ganonikidi be dake! ¿Igi we neg gudbali?

steban burgwisad sorba, Saulo Jesúsba nanamalad naibi saeg aminade. Wemar neg yab dogsadae, geb wemar onosdae, degine, eskaryag wemar metedae. Bukidar Jesús sapingan neggwebur bamalachik wakichamala geb agine “ibmar nuegangi” sunmakdii gusmala. Aukine, Saulodi neggwebur bamalachik nade gusa, Jesúsba nanamalad amigega. Emisgindi Damascos nadapi. Aukine, igarba ibmar soggwen gunoniki:

Ukiagwale, nibneggi neg mee Saulo ebiris ganoniki. Geb Saulo napag ailasa, igi weg anmar dake. Degidgi, dule wargwen gole itolleali: ‘¡Saulo, Saulo! ¿Ibigala be ibgwensur an imaknai?’ Dulemar Saulo bali gudimalad neg mee gusad daksamarmoga geb dule sunmake itosmarbali, aukine aku itomala igi soge.

Saúl ibya surgusad

Geb Saulo egichali: ‘Dummad, ¿be doa sunna?’

Geb abin gollali: ‘Ani an Jesús, be ibgwensur an imaknaid.’ Jesús deyob soge, ibigala ar Saulo, Jesúsba nanamalad ibgwensur imakalile, Jesús ibgwensur e imaknai yobi itodae.

Emisgi Saulo egicharsunna: ‘Dummad, ¿ibu an saer gebe?’

‘Be gwisgue geb Damascos be nao,’ ega Jesús soge. ‘Agine beg soglegoed, ibu be imakoe.’ Degidgi, Saulo gwisgusgua geb ibya egadgu, bipisaale ibmar gwen daksuli. ¡Aku atake gusa! Degsoggu, dulemar eba gudimalad yam argangi sesmarsunna Damascose.

Jesús emisgi esapin wargwenga sunmasa Damascogi, geb ega soge: ‘Gwisgue Ananías. Igar Innikigwad nugache be nao. Judas neggi be egisdapo dule Saulo nugachik. We dule an susa bamaladbo akar saila arbadii guega.’

Ananías, sogedba imasa. Ananías, Saulo dakargua, egi argan mesisa geb sogde: ‘Dummad an barmiali, be gannar nabir atakega, degine, Bab burba nued be nikguega.’ Emisgine yog Saulo ibyag ibmar ua uka yobi dakle babatiali, geb gannar nabir atade.

Saulo dulemar bukidar bamalad neggwebur ginmaladga sunmakega nued gunoniki. Apóstol Pabloye bilenoniki, geb sorba anmar ibmar bukidar we dulesik durdakoe. Aukine, bin anmar dakoloe Bab Dummad ibu Pedro imakeg imasa.

Hechos 8:1-4; 9:1-20; 22:6-16; 26:8-20.



Egislenaid

  • Esteban oburgwismalad sorbali, ¿ibu Saulo imasa?
  • Saulo, Damascos nadapid igar bali ¿ibu ibmar soggwen gunoniki?
  • ¿Jesús igi Saulo gala igar uksa?
  • ¿Jesús igi Ananías gala igar uksa, geb igi Saulo gannar nabir atake gusa?
  • ¿Saulo igi bilenoniki, geb ibu imaked gine nued gunoniki?

Bamalad egislenabalid

  • Absoge Hechos 8:1-4.

    ¿Igi emar balegillear gusad ulale aka Cristo igala nasgumai gude gebe cristianomar ambakgualid gine, geb igi anmar iba gine amba deyobi gudamoga? (Hech. 8:4; Isa. 54:17.)

  • Absoge Hechos 9:1-20.

    ¿Ibu arbaed sogbaagwa Jesús, Saulo gala uksa? (Hech. 9:15; 13:5; 26:1; 27:24; Rom. 11:13.)

  • Absoge Hechos 22:6-16.

    ¿Igi anmar Ananías daed bali imasmogale, geb ibigala nue abeleged gue? (Hech. 22:12; 1 Tim. 3:7; 1 Ped. 1:14-16; 2:12.)

  • Absoge Hechos 26:8-20.

    Saulo cristiano gala gusadi, ¿igi dulemar Cristo bali e abirgined nasurmalad ogannoe? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)