Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

104: Jesús gannar nibnegse nade

104: Jesús gannar nibnegse nade

IBAMAR nanamai gude, geb bali bali Jesús na eb nanamalache oyodii gusa. Ibagwengi, 500 mergusaar eba nanamaladi, Jesús daksamala. Sanar gunonigua, ¿be wisi ibug Jesús wemarga sunmasa? Bab Dummad e reinogi. Jehová, Napanegse Jesús barmiali we Reinog emar odurdakega. Geb we ibmar imakdii gusa, amba burgwisad sorba, durgusgua.

Jesús gannar babnegse naded

¿Be ebinsae Bab Dummad e reino ibu obare? Wedi Bab Dummad e gobierno sunsogedi, nibneggi sii, geb Bab Dummad sogedba Jesús Onugsalesadi reig sigega. ¡Bat anmar durdasa, Jesús rei nued guoe na oyosa, ukurba itomalad oimmeresgua, degine, boni nikmalad nudasgua, geb amba burgwarmalad odulosbargua!

Degsoggu, Jesús birga miligwena nibneggi reig neg dakmai gude sogele, ¿be wisi igi Napaneg guoe? Bela Napaneg ugaksega neg yeer daklegedga guoe. Bar neggweburmar nabo abin abin urwosurmala, bar neg akalomaladi nikguosuli, bar bonigan nikguosuli, geb dulemar bela, bar burgosurbali. Anmar wisi deyob ibmar guoe, ar Bab Dummadi dulemarga Napaneg imasgua, neg yeer daklegedga gueg imasana. Agala Edén nasisana. Degsoggu Jesús, Bab Dummad ibmar abeged imakechegoe.

Emisgi ibamar owarmasa, Jesús nibnegse gannar naega. Geb 40 día na e sapinganse oyodii gusa, geb wemardi wismala Jesús dula gudii. Aukine naed iduar emarga sogsa: ‘Jerusaléngi mer bangumalo, Bab burba nued bemarga barmidageche.’ Wedi Bab Dummad gangued e ibmar abeged imakedgi ebuleged obare, burwa uboe yobi gue. We ganguedi eba nanamalad bendakoedi, Bab Dummad ibmar abeged nabir imakmalaga. Napidgi, Jesús soggali: ‘Bela Napaneg ugakse bemar angi sunmakmaloed.’

Wegi sogsad sorba, Jesús nibnegse nakwide, sobarnaidgi be dake yobi. Esapingan geger dakarmalad. Sorbali, Jesús mogir yab dogsa, geb bar daksasurmala. Jesús nibnegse nade, geb agine, eba nanamalad Napaneggi gudimalad idumai guarsunna.

Jesús sapingan nipa atakbukmalad

1 Corintios 15:3-8; Revelación 21:3, 4; Hechos 1:1-11.



Egislenaid

  • Ibagwen gine, ¿bule mergu eba nanamaladi Jesús daksamala, geb Jesús ibu gine wemarga sunmasa?
  • ¿Ibua Bab Dummad e Reino, geb Jesús birga miligwen neg dakmai guoed gine, igi Napaneg guoe?
  • ¿Ibbigwa Jesús na e sapinganse oyodii gusa, auki ibu gued owarmaked mosa?
  • Naed iduale, ¿ibu igar Jesús na e sapingan gala uksa?
  • Sobaled gine ¿ibu guna be dake, geb ibig Jesús bar daklechuli?

Bamalad egislenabalid

  • Absoge 1 Corintios 15:3-8.

    ¿Ibig Pablo bensulidgi sunmas gusa Jesús gannar durgusad igar gine, geb Cristo sordagan ibu gine bensulidgi nabir sunmasmogale? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

  • Absoge Hechos 1:1-11.

    Hechos 1:8 gine, ¿bule Bab igargi sunmakleged nasgusye soge? (Hech. 6:7; 9:31; 11:19-21; Col. 1:23.)