Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

103: Wagag atusii, dogsa

103: Wagag atusii, dogsa

JUAN, Pedro bogwa, Jesús burgwisgu mesismalad gine gudii nadmargu, María dina walagwen mellede. Geb boali. ¡Degidgi, neg uanyab atakali geb anger warbo dakali! Geb angermar, Maríag soggarmala: ‘¿Be ibig boe?’

María abin soge: ‘An Dummad sesmala, geb an wichuli bia imasmar dibe.’ Degidgi, aibiridgu dule gwichi dakali. We dule ese egichali: ‘¿Be doa amie?’

Maríadi binsae we dule gagan emied dakleye, geb we dule sun Jesús sesar dakleye. Agala ega soge: ‘Ar be sesadile, be anga soge bia be mesisa.’ Aukine we, Jesús. Emisgindi akar daklege, aag María aku daksa. Aukine, nugbali ese gollargua adi María mag dake gunoniki. Degsoggu María abarmade Jesús sapinganse geb sogdapi: ‘¡An Dummad, daksa!’

We ibmar gusad sorbali, Jesús sapingan warbo nadapmala Emaus neg nugache, geb dule wargwen eba akanoniki. Jesús sapingana wile itonadapmala Jesús burgwisadba. Auki we dule eba akanonikidi, wemarga Biblia igarmar mamaidgi sunmakali, geb basursaar wis itogusmala. Napis, mas gunne soggarmargua, mag dake gunonimala we dule, Jesús. Degine Jesús yokus nade, geb emardi Jerusalénse gannar nadmala Jesús apóstolmar owisomalaga.

Degi ibmar gunaidgi, Pedro, Jesús daksamoga. Geb e sapingan bamaladdi yeer itoarmala we ibmar itoarmargu. Degidgi, Jesús sapingan warbo Jerusalénse nadmala geb apóstolmar amidapmala. Geb sogdapmala igarba nadapmargua Jesús daksamarye. Degi sunmakgwismalad gine, ¿be wisi ibu ibmar gunoniki?

Sobarnaidgi be dakena. Wagak atusii Jesús dogsa. ¡Ibiyob Jesús sapingan yeer itodmala! ¡Nued we iba gusa! ¿Be emisgi nabir ebichale, irbigwa Jesús daklesa? ¿Ilatale?

Jesús e sordaganse nonibalid

Jesús daksamargua, apóstol Tomásdi emar abargi gudisulina. Degsoggu, Jesús sapingan Tomásga sogmala: ‘¡Anmar Dummad daksa!’ Aukine Tomás dina soge, an sunnad an daksulile, an itogosuli. Degidgi, iba baabak gudgua, Jesús sapingana gannar cuarto yaba bukmarbali, amba wagak atusibali, geb emisgindi emar abargi Tomás gudimoga. Geb ukiagwale, Jesús emar abargi gwisgunonibali. Emisgindi Tomás emar itochunna.

Juan 20:11-29; Lucas 24:13-43.



Egislenaid

  • ¿Igi María sogsa dule gagan emiedye bied gala, aukine igi mag daknoniki we Jesús?
  • Jesús sapingan warbogwad Emaus sega nadapmargu, ¿igi gusmala?
  • ¿Ibu ibmar gunoniki Jesús sapingan warbogwad, apóstolmar gala soggwismargu igi Jesús daksamala?
  • ¿Irbigwa Jesúsba nanamalad Jesús daksamala?
  • Tomás itoargu Jesús sapingan Jesús daksamarye ¿igi soggali, aukine sorba, ibbaabak gudgua, ibu ibmar gunoniki?

Bamalad egislenabalid

  • Absoge Juan 20:11-29.

    ¿Juan 20:23 gine Jesús sogna be binsae, dulemar nabir bamalad isgudiidi ega elisarye? Be sogena (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

  • Absoge Lucas 24:13-43.

    ¿Igi nabir anmar na gwage guakwa imasale, Bab igarmar mamaid nuedgi abin gaega? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)