Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

102: Jesús dula gudii

102: Jesús dula gudii

¿BE WISI we ome doagi geb machergan doamarmoga? We ome nuga María Magdalena, Jesús e aya. Geb machergan mor sipu sipu yomalad dina, angermala. We neg bipi be dakedi, yab María ataknaid, Jesús oburgwilesgu aag diglesa. ¡Aukine, emisgi Jesús bar weg masuli! ¿Doa ses be binsae? Anmar dakoena.

Angermar María Magdalenabo sunmakwigwichid

Jesús burgwisad sorba, sacerdotemar Pilatog sogmala: ‘Jesús dula gudiunni sogsaye, ibbaagi ed gannar durguoye. Degsoggu, Jesús digarmaid nakulegeg be dulemar barmide. ¡Adi mer e sapingan Jesús sedmalaga, geb sogmalaga gannar durgusye!’ Geb Pilato wemarga sogsasunna soldadomar barmidmarye.

Aukine, Jesús burgwisad sorba, ibbaagi wakudarba Jehová anger ukiagwar noniki. Geb Jesús digarmaid dogedgi akwa dummad siid, obaparmasa. Soldadomar nue gwakismala, geg bilumak gwisgusmala. ¡Napis, yab atakarmargua, Jesús sate dakarmala! Geb abar soldadomar neggweburse nadmala geb sacerdotemarbo sunmakdapmala. ¿Be wisi we sacerdotemala, isgana gumarsoggua, ibu imasmala? Soldadomar bennusmala gakansamalaga. Geb emarga sogsamala: ‘Sogmalo, bemar gabmagua, e sapingan Jesús sesmarye.’

Degidgine, omegan Jesús e aiyamarga gusmaladi, Jesús napa daknadmala. ¡Daknonimargua, ber neg ollo soge! Geb ukiagwale, anger warbo mor nue dakar dakar gaed yoi gwisgunonimala. Egisdemala: ‘¿Ibigala bemar weg Jesús amimala? Ar bat durgusad. Gwae e sapinganga sognamalo.’ Geb omegan abarmadmala. Aukine igarba dule wargwen emar abingunoniki. ¡Dakargua, we dule, Jesús! Geb omeganga soge: ‘An sapinganga sognamalo.’

Omegan Jesús sapinganga sogsamargua Jesús dula gudiye, degine, daksamarye, we dulemar omegan itosursaarmala. ¡Geb Pedro, Juan bogwa neg uanse abarmadmala, aukine neg uan ollosii dakdapmala! Wemar nadgua, María Magdalena dina sorba mellede. Geb aa gine yab atakali geb anger warbo daksa.

¿Be wisi bia Jesús nade? Bab Dummad imasa Jesús e sana yogguedga. Igi Jesús dula unni san nika gudigusa, bar Bab Dummad ayobi odulochuli. Bab Dummad, angermaryob Jesús imasa, burbar gudiguega. Aukine e sapingan wisgumalaga dula gudiye, Jesús sanar gusdae.

Mateo 27:62-66; 28:1-15; Lucas 24:1-12; Juan 20:1-12



Egislenaid

  • Sobaledgi ome be dakedi, ¿doawa, machergan dina, doamala, geb bia gwismala?
  • ¿Ibig Pilato igar uksa sacerdotemar gala, nakulemaladi barmidmaloye Jesús e neg uan sega?
  • Jesús burgwisad sorba ibbaag wakdarad bali, ¿ibu anger wargwen imasa, auki sacerdotemar ibu imasmala?
  • Abar omegan Jesús neg uanse ataknadmargu, ¿ibig geger itomala?
  • ¿Ibig Pedro, Juan bogwa abarmadmala Jesús neg uanse, geb igi neg dakdapmala?
  • ¿Bia Jesús nade, geb ibu imasdae na sapinganse oyogega dula gudiye?

Bamalad egislenabalid

  • Absoge Mateo 27:62-66 geb 28:1-15.

    Jesús gannar durgusgua, ¿igi sacerdotemar e dumagan, degine, fariseomala geb bamalad emar idudimaladi, Bab burba nued gine yolesmarye soglege? (Mat. 12:24, 31, 32; 28:11-15.)

  • Absoge Lucas 24:1-12.

    ¿Igi Jesús gannar durgusad gine anmar sega oyolege, Jehová gardina amba omegan gine bengulegechurmoga? (Luc. 24:4, 9, 10; Mat. 28:1-7.)

  • Absoge Juan 20:1-12.

    ¿Igi Juan 20:8, 9 anmar bendake, mag ito guega anmar abitoged abelege, ibmar soggwen yoo guoed Bibliag soglenaid anmar aku itogele? (Pro. 4:18; Mat. 17:22, 23; Luc. 24:5-8; Juan 16:12.)