Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

Parte 7: Jesús gannar durgusad Pablo eskaryag mellesache

Parte 7: Jesús gannar durgusad Pablo eskaryag mellesache

E burgwisad sorba ibabaa gine, Jesús gannar durgusa. Aa iba gine na e sordagan ilatar daksamala. Geb 40 día deyobi daklesdae. Degid gine, abar e sordagan na Jesús dakbukwa, Jesus nib nakwide. Sorbali, ibambegi Bab Dummad na burba nuedi Jesús sordaganga barmiali, aunni wemardi Jerusaléngi edarbe bukwana.

Beechegi, Bab Dummad istarmaladi eskaryag apóstolmar metemala, auki anger wargwen wemar onosa. E sapin Esteban nugadi, akwag sarsolegale oburgwilesa e istarmalache. Auki anmar durdakoe igi Jesús, dule isganamar abargi, wargwen sunoniki eg bamalad bogwa akarsaila arbadii guega, we dule apóstol Pablog gunoniki. Degidgi, Jesús burgwisad sorba birgabaa abar gudgua, Bab Dummad apóstol Pedro barmis gusa Bab igargi sunmakega Cornelioga geb e neg yaginmaladga, aukine we Corneliodi, judio suli.

We sorbali, 13 año gusgua, Pablo gebe neggwebur bamalachik bipirmaali, Bab igargi sunmakega. Sorba, gannar bipirmadbargua, Timoteo eba nade. Wegi Pablo geb e sordamar Babga arbadimargua, na gaedi gusmala. Degidgi, Pablo eskaryag mellenoniki Roma neggweburgi. Birgabo gine gannar onolesa, auki sorba gannar eskaryas mellenonibali geb Pablo oburgwilechunna. PARTE 7 gine sunmaknai 32 año saar nanasadgi, bela we ibmarmar gusadgi.

Saulo ibya surgusad