Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

99: Cuarto nibalidgi

99: Cuarto nibalidgi

EMISGI jueves mutiki. Jesús e apóstolmar 12 mergumaladbo we cuarto dummad aila nibali siiche nonimala, Pascua ibag mas gunega. We dule nomai be dakedi, Judas Iscariote. Sacerdotemarse nadapi, sogega igi nabir Jesús gasmalale.

Jesús e sordaganmar mas gunbukmalad

We iba iduale, Judas sacerdotemarbo sunmasa geb egicha: ‘¿Ibu bemar anga ukmalosunna, Jesús gaedgi an bemar bendakele?’ Geb ega sogsamala: ‘Mani sibu dulagwen gaka ambe.’ Emisgi Judas wemar abingunade, Jesús sega wemar sedega. ¡Doggusdole we ibmar imaknaid! ¿insoa?

Pascua ibag mas gunned bergusa. Aukine emisgi Jesús baid iba onogeg mas gunsoggarbali. E apóstolmarga madu uksa geb sogsa: ‘Gunmala, ar we an san bemar ulale uklegoed obared.’ Sorbali emar gala noggi vino uksa bali, geb sogsa: ‘Gobmala, ar wedi an abe obared, bemar ulale eyolegoed.’ Biblia wegi mas gullesad onugsae ‘Cristo napi masguchad.’

Israel dorgan Pascua iba onodamala, ebinsaega igi Egiptog gudimargua, Bab e anger emar neggi ‘nasgu,’ emar akar guchurmala. Auki, aun Egipto dulemar mimmigan saila ginmaladi, oburgwilesmala. Emidi Jesús abege e sordagan ebinsaedi, geb ebinsamarbalidi e, emar anar burgoedi. Agala emarga sogsa birga irbali weyob mas gundigumaloye.

Cristo Napi Masguchad sorba, na apóstolmarga soge mer dobgumalo geb mer bipisaar bengumaloye. Napidgi Bab Dummadga namasmala geb sorba nadmala. Emisgindi bat neg gabgwen obite guchaaler gebed. Anmar dakoena bia emidi nadmala.

Mateo 26:14-30; Lucas 22:1-39; Juan, capítulo 13-17 sega; 1 Corintios 11:20.



Egislenaid

  • Sobaled gine be dakena. ¿Ibigala Jesús e apostolmar 12 mergumaladbo, cuarto dummad aila nibali siid sega nadmala?
  • Dule nomaid ¿doawa, geb ibu imaksoggali?
  • Pascua ibag mas gunned bergusgua, Jesús ¿ibu iba baid onodbali?
  • Pascua iba onoged gine, Israel dorgana ¿ibu ebinsadamala, geb iba baid onolesad gine, ibu Cristo sordagan ebinsamarmogoe?
  • Cristo Napi Masguchad sorbali, ¿igi Jesús na sapingan gala sogsa, geb ibu wemala imasmala?

Bamalad egislenabalid

  • Absoge Mateo 26:14-30.

    ¿Igi Mateo 26:15 gine anmar sega oyolege, Judas Jesús gine aibinnonigua na ibmar imaknaidi nue wisina?

    ¿Ibu ibmar sogbo nabir gue gala, Jesús abe eyosa? (Mat. 26:27, 28; Jer. 31:31-33; Efe. 1:7; Heb. 9:19, 20.)

  • Absoge Lucas 22:1-39.

    ¿Ibigala Nia, Judas gine dogsaye soglege? (Luc. 22:3; Juan 13:2; Hech. 1:24, 25.)

  • Absoge Juan 13:1-20.

    Juan 13:2 gine soglenaid bali, ¿nabir Judasgi nasiklege ibmar imasadi, geb ibu anmar nabir durdasmalale? (Gén. 4:7; 2 Cor. 2:11; Gál. 6:1; Sant. 1:13, 14.)

    ¿Ibu igar nued dulemar durdaknoniki Jesus ibmar imasadba? (Juan 13:15; Mat. 23:11; 1 Ped. 2:21.)

  • Absoge Juan 17:1-26.

    Jesús sogsagua ebali nanaimaladi na “wargwennayob” gumaloye, ¿ibu obarisa? (Juan 17:11, 21-23; Rom. 13:8; 14:19; Col. 3:14.)