Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

98: Jesús reiyob daniki

98: Jesús reiyob daniki

EMISGINE Jesús Olivomar yar birgi sii. Dulemar ebake walik bukmaladi, e apóstolmala. Andrés, Pedro bogwa na gwenadgan gumala, geb Santiago, Juan bogwa na gwenadgan gumarmoga. Neg dummad bannabaa nosiiddi, Bab Dummad sega goled neg, Jerusaléngi siidi.

Ibbo gusa Jesús Jerusaléngi asno birgi sii nonikid akale. Emidina martes gine anmar nai. Dad abala, Jesús arbigwele Babse goled negse. Agine sacerdotemar Jesús gaed soggarmala, oburgwega. Auki dulemar dobedba gachurmala, ar dulemar nued Jesús dakmalad.

Jesús e apóstolmarbo siid

Jesús, we sacerdotemar onugsasa ‘¡Naibemar, geb naibe mimmigan!’ Geb sogsa bali, bela ibmar isgana imasmaladba, Bab Dummad wemar oitogoye. Sorbali, Jesús Olivomar yarse nade, geb e apóstolmar ebakegwa ese ibmar egicharmala. ¿Be wisi ibu egicharmala?

Apóstolmar amba yoo ibmar guoechik egicharmala. Emar wisi Jesús bela Napaneggi ibmar isgana gunaid obelogoe. Aukine wisgubimala san we ibmar guoe. ¿Sanawa Jesús gannar nonibaloe Reig neg dakmai guega?

Jesús wisi eb nanamalad Napaneggi e dakosurmala gannar danikile. Ar edi nibneggi gudiguoe, degsoggu gwen dakosurmala. Agala, Jesús e apóstolmarga soge abar ibmarmar Napaneggi gudagoe, nibneggi reig neg dakmai gunoniki sogele. We ibmarmar abar gunonimaloed, ¿bitimarsunna?

Jesús soge neggweburmar nabo urwed dummagan ononanai gumaloye, bukidar dulemar uelemai gumaloye geb ukumesdii gumarbaloye, ibmar isgana imaklegedi yaisur guoye geb negabandur dummagan nanamai gubaloye. Amba sogsa bali bela Napaneg ugakse Bab Dummad reino e ibmar nuegangi sunmaklenai gubaloye. ¿We ibmala anmar iba gine gunai? ¡Eye! Degsoggu anmar bengued suli Jesús nibneggi emisgwag neg dakmaye. Iche napi, bela Napaneggi ibmar isgana gunaidi obelogoe.

Mateo 21:46; 23:1-39; 24:1-14; Marcos 13:3-10.



Egislenaid

  • Sobarnaidgi machergan be dakedi, ¿biti Jesús, geb bamalad dina, doamala?
  • ¿Sacerdotemar igi Jesús imakbi gusmala Babse goled neg gine, geb igi Jesús wemar gala sogsa?
  • ¿Apóstolmar ibu Jesús sega egichamala?
  • ¿Ibigala Jesús apóstolmarga sogsa igi Napaneg gine ibmar gudagoe, nibneg gine neg dakmai gunoniki sogele?
  • ¿Igi neg gudagoye Jesús soge, Napaneg gine ibmar isgana gunaidi obeloleged iduale?

Bamalad egislenabalid

  • Absoge Mateo 23:1-39.

    Bibliag soglenai inigwale dule dumadir nabir anmar dummadye ese gorye, Mateo 23: 8-11 Jesús ibmar sogsadi, gwenadgan yagine, ¿ibu anmar mer imakoye sognai? (Hech. 26:25; Rom. 13:7; 1 Ped. 2:13, 14.)

    ¿Fariseomala ibu imasdamala dulemala mer cristianoga gumalaga, geb emi ibagi, igi Bab igar gine emar idumalad deyobi alamakdi damarmoga? (Mat. 23:13; Luc. 11:52; Juan 9:22; 12:42; 1 Tes. 2:16.)

  • Absoge Mateo 24:1-14.

    Mateo 24:13 gine sognai yobi, ¿ibig anmar galakued abelesuli?

    Mateo 24:13 gine “berguedye” sognaidi, ¿ibu obare? (Mat. 16:27; Rom. 14:10-12; 2 Cor. 5:10.)

  • Absoge Marcos 13:3-10.

    ¿Igi Marcos 13:10 gine soglenaid gine anmar sega oyolege gwae sunmakleged abelege Bab ibmar nuegan mamaidgi, geb Jesús weyob ibmar sogsad ibu imakbie itogeg anmar imakedi? (Rom. 13:11, 12; 1 Cor. 7:29-31; 2 Tim. 4:2.)