Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

96: Jesús boni nikmalad nudasa

96: Jesús boni nikmalad nudasa

JESÚS, neggweburgi bipirmakdiidgi dule boni nikmalad nudakdii gusa. Bela neggwebur bamaladgi wisguarmala we ibmar dakledisulid imaklediidi. Degisoggu, dulemar na searmala dulemar abgan burgwarmalad, dulemar ibya surmalad geb muya muya nanamaladi, degine, bamalad bonigan nikmalad. Geb Jesús bela we dulemar nudasa.

Juan, Jesús bautisar imasad akale, bat birgabaa obite gude. Emisgi Jesús na apóstolmarga soge, Jerusalénse naed owarmakdaniye, geb aa gine oburgwilegoe, degine, sorba gannar durgubaloe. Aukine aa iduar boni nikmalad nudakdii gusmargwele.

Jesús ome boni nikad onudaknaid

We sobaledgi ome be dakedi, 18 añogus degur nanadii, geg inniki gue. Agala Jesús e argan we ome birgine mesisa, geb ome inniki gusa. ¡Ome san nugunoniki! We ibmar Jesús sábadog imasa, emar odurdakdigua. Aukine sábadodi judiomarga obunnoged iba.

We ulale Bab igargi emar idudimalad sae itoarmala. Wargwena, dulemar bukidar bukmaladga binnasur soggali: ‘Iba nergwa arbaeg ibamar nikad. ¡Aa ibag dulemar nudaklegoed, sábado gindi suli!’

Aukine Jesús abin sogded: ‘¡Bemar dule isgana gumalad! ¿Ar bemar sábadog asno esikdisurmarsi, geb diig ogobdisurmarsi? Degsoggu, we ome 18 año gusa bonigan abgadiidi, ¿onudaklegechur be binsamarsi?’ Jesús weyob sogsagua, we dule isganamar binge itoarmala.

Sorbali, Jesús geb e apóstolmar Jerusalénsik nadmalad. Jericó neggwebur nagabali gudimargua, dule warbo wilemalad ibya surmalad ese binnasur gollarmala: ‘¡Jesús, be anmar bendake!’

Geb Jesús, dulemar ibya surmalache gochagua, ese egichali: ‘¿Ibu an bemarga imaked bemar abege?’ Wemar abin sogdemalad: ‘Dummad, nabir atake be anmar imake.’ Jesús, we dulemar ibya ebusa, ¡geb yog nabir atake gusmalad! ¿Be wisi ibigala Jesús we ibmar dakledisulid imasdae? Ar dulemar sabed bali geb dulemar mer e bengumalad abegedba. Wegine anmar durdake, Jesús reig Napaneggi neg dakmai gunoniki sogele, dule wargwensaale bar uelegosuli.

Mateo 15:30, 31; Lucas 13:10-17; Mateo 20:29-34.



Egislenaid

  • Neggwebur gine bipirmakdiid gine, ¿ibu Jesús imakdii gusa?
  • Birgabaa gus bautizar imasad gine, ¿igi Jesús e apóstolmarga soge?
  • Sobaled gine dulemar naidi ¿doamala, geb we ome gala, ibu Jesús imasa?
  • ¿Ibig Bab igargi emar idudimalad binge itoarmala Jesús e abin imasgua?
  • Jesús geb e apóstolmar Jericó neggwebur nagab gudimargu, ¿ibu Jesús imasa dule warbo ibya surmalad wilemalad gala?
  • ¿Ibigala Jesús ibmar dakledisulid imasdae?

Bamalad egislenabalid

  • Absoge Mateo 15:30, 31.

    ¿Jehová ibu ganguedi nikye anmar sega oyolege, Jesús ibmar imakdi gusad gine, geb ibu ibmar Jehová imakoye anmar sega oyobali neg bini gunonikoed gine? (Sal. 37:29; Isa. 33:24.)

  • Absoge Lucas 13:10-17.

    Sábadog Jesús ibmar dakledisulid imakdi gusad yobi, Birga Miligwen Reig megwisale ¿ibu ibmar nuegan dulemarga imakbaloe? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4.)

  • Absoge Mateo 20:29-34.

    ¿Igi weg anmarse oyolege Jesús dogdar arbaed yaisur itochuli emar bendakega, geb ibu anmar egi durdake? (Deu. 15:7; Sant. 2:15, 16; 1 Juan 3:17.)