Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

94: Burwigan sabe

94: Burwigan sabe

JESÚS machi bipi ganiki siid, be dake. Mimmigan nue binar daklege. Dulemar atakbukmaladdi, e apóstolmala. ¿Be wisi wemarga Jesús igi sogsii?

Dakargu, Jesús e apóstolmar bogwa emiskwa nonimala, bule dika gudimalana. Igarba danimargua apóstolmala na abin abin imasmala. Agala, nonimalad sorba Jesús wemarse egichali: ‘¿Igarba ibu ular bemar na abin abin imakdanimalana?’ Ar Jesúsdi wisina ibu ular na abin abin imakdanimalana. Aukine yam wemarse egicha, dakega bule apóstolmar eg sogmalo dibe.

Jesús machibipi ganisiid

Apóstolmar gwen abin imaksurmala, ar dakargu igarba na abin abin imakdani gusmala, doa bur na emar abargi dummadga gudi dibeye. Abar bamaladba bur dummadga gubimala. ¿Igi Jesús emarga sogoe, emarba bur dummadga gubiguedi, ib nued surye?

Jesús, machi bipis gocha geb e sapingan asabinni ogwichisa. Geb e sapinganga soge: ‘Bemar nue we ibmar wisgued an abeged: Bemar na daed ogwasurmalale geb burwiganyob gusurmalale, Bab Dummad reinog bipisaale bemar dogosuli. Bab Dummad e reinog dule dummadga gueg we machi bipiyob daer gebed.’ ¿Be wisi ibigala deyob sogsa?

Ar burwigandi binsasurmala bamaladba bur dumma guedgi, deginbali, bur nug nika guedgi binsasurmar bali. Degsoggu, apóstolmar we burwiganyob gued igar durdakmalar gebed, degine, bur mer urwemala dumma gubied ulale.

Emisgine niimar wis nanasbali. Jesús na oyononibali mimmigan binarba itodae. Abar dulemar na mimmigan senonimala Jesús dakmalaga. Apóstolmardi, mimmigan abin obane soggarmala. Aukine Jesús wemarga soge: ‘Mimmigan anse dagmalag be imakmala, mer be abin obanmala, ar Bab Dummad e reino dulemar we mimmigan yobi damalad gadid.’ Geb mimmigan gadebin imasa geb Bab Dummad sega wemar nuggine gochad. ¡Ibiyob nuedi anmar wisguedi, Jesús mimmigan nue sabe itodaye! ¿insoa?

Mateo 18:1-4; 19:13-15; Marcos 9:33-37; 10:13-16.



Egislenaid

  • ¿Ibu ulale apóstolmar na abin abin imakdanimalana igar bali?
  • ¿Ibigala Jesús machi bipise gocha geb apóstolmar asabinni ogwichisa?
  • ¿Igi apóstolmar, burwigana yobi gued abelege?
  • Niimar wis nasad sorbali, ¿igi Jesús gannar oyononibali mimmigan saberba itodae?

Bamalad egislenabalid

  • Absoge Mateo 18:1-4.

    ¿Ibig Jesús burbar sunmakleged bali emar odurdaksadae? (Mat. 13:34, 36; Mar. 4:33, 34.)

  • Absoge Mateo 19:13-15.

    Jehová Reino ibmar nuegan imakoed anmar nikgubimogale, ¿igi mimmigan daed yobi anmar damogar gebe? (Sal. 25:9; 138:6; 1 Cor. 14:20.)

  • Absoge Marcos 9:33-37.

    ¿Igi Jesús na sapingan odurdaksa, dummarba gubied igar siki? (Mar. 9:35; Mat. 20:25, 26; Gál. 6:3; Fili. 2:5-8.)

  • Absoge Marcos 10:13-16.

    ¿Igi Jesús dulemar abin dakdae, geb cristianomar idudimalad, ibu nabir durdakmala? (Mar. 6:30-34; Fili. 2:1-4; 1 Tim. 4:12.)