Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

91: Jesús yarbirgi emar odurdaksii

91: Jesús yarbirgi emar odurdaksii

JESÚS yar birgi siid, be dake. Dulemar odurdaksii Galilea yar birgi. Walik bukmalad dina, e sapingana. Geb 12 mergu wemar abargi susbali e apostolmarga gumalaga. Apostolmar, bamalad Jesúsba nanamaladbo wis akarmala. ¿Be wisi igi nugmala?

Jesús dulemar odurdaksiid

Gepegwad gine Simón Pedro, e gwenad Andrésbo. Degid gine, Santiago geb Juanbo, wemar na gwenadganmoga. Baid apostol, Santiagoye nugmogad, geb baiti amba Simónye nugmoga. Apostolmar warbo nugmala Judas. Wargwena Judas Iscariote, geb baid Judas dina, Tadeoye ese gormarbali. Amba Felipe, Natanaelbo (Bartolomeoye ese gorlebali), geb Mateode geb Tomásde.

Jesús Samariag gudii nonigua, sogde: ‘Bab Dummad reino nibneg ginedi itaka gusa.’ Aunni gepe we ibmargi sunmade ¿be wisi we reino ibua? Bab Dummad e gobierno sunsoged obare. Jesús e reig sigoedi. Nibneggi neg dakmai guoe geb Napanegse neg boogwad sedagoe. We reino, belagwable Napaneg gannar neg yeer daklegedga imakoe.

Jesús wegine emar odurdaksii reino igarsik. Emarga soge: ‘Weyob bemar Bab Dummad sega goloed: Anmar Bab nibneggi maidi, bitiki be nug odummolesan gadina. Be reino be anmarse barmidage. Be soged bali Napaneggi ibmar gusan gadina, nibneggi gumaidyob.’ We Babse goledi bilege ‘Padrenuestro.’ ¿Be nabir bela nonog gasmogale?

Jesús amba emar odurdaksi bali, igi dulemar nabo muchup muchup damaloe. Soge: ‘Igi dule bamalad be imaked be abege, deyobi dule baigan imakmogo.’ ¿Dulemar beg ibmar nuegan imakele be yeer itodae? Degisundibe, dule baiganga ibmar nuegan anmar imaked abelemoga. ¡Ibiyob nued itollegoe Napaneg yeer daklegedgi bela dulemar na ega muchup muchup ibmar nuegan imakarmalale! ¿insoa?

Mateo, capítulo 5-7 sega; 10:1-4.



Egislenaid

  • Sobaled be dake, ¿bia Jesús emar odurdaksii, geb doamala egi bur walika bukmaladi?
  • E apóstolmar ambe gakabogwadi, ¿igi nugmala?
  • Reino siki Jesús sunmakdii gusa, ¿reino ibusunna?
  • ¿Ibu Babse egismaloye, Jesús odurdasa?
  • Dulemar nabo muchup muchup ¿igi damalad abeleye Jesús sogsa?

Bamalad egislenabalid

  • Absoge Mateo 5:1-12.

    ¿Igi anmar na oyosale, mag itoge Jehová siki ibmar wisgued anmar abelege? (Mat. 5:3; Rom. 10:13-15; 1 Tim. 4:13, 15, 16.)

  • Absoge Mateo 5:21-26.

    ¿Igi Mateo 5:23, 24 gine anmarse oyolege, Jehová nued anmar dake gala anmar gwenadgan bogwa anmar nued dagweler gebe? (Mat. 6:14, 15; Sal. 133:1; Col. 3:13; 1 Juan 4:20.)

  • Absoge Mateo 6:1-8.

    ¿Igi fariseomar daed bali, cristianomar mer daoe? (Luc. 18:11, 12; 1 Cor. 4:6, 7; 2 Cor. 9:7.)

  • Absoge Mateo 6:25-34.

    Jehová anmarga ibmar abeleged ukmai guoed siki, ¿igi Jesús sogsa? (Éxo. 16:4; Sal. 37:25; Fili. 4:6.)

  • Absoge Mateo 7:1-11.

    Mateo 7:5 gine, ¿Jesús igi anmar odurdake? (Pro. 26:12; Rom. 2:1; 14:10; Sant. 4:11, 12.)