Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

90: Omebo dia nagab sii

90: Omebo dia nagab sii

JESÚS Samaria neggweburgi dia nagab obunnononiki. E sapingandi neggweburse nadmala mas bakega. Ome Jesúsbo sunmakgwichid dina, dii wedaniki. Jesús ega soge: ‘Anga wis dii gobed be udage.’

Jesús ome Samari ginedbo sunmaksiid

Ome geger dake. ¿Be wisi ibigala? Jesúsdi judío, geb ome dina Samaria ginedi. Ar judiomar, Samaria dorgan nabir daksurdamala. ¡Ebo bipisaar sunmaksur damala! Aukine, Jesúsdi belagwable dulemar sabe. Jesús omeg soge: ‘Ar be wisile doa bes dii egichii, ese be egichamogaled, geb edi beg dii dula, dule imaked beg uksaled.’

Ome abin soge: ‘Dummad, dia matusulid, ar bedi bormo sate balid. ¿Bia degite, dii dula, dule imaked be amigosunna?’

Jesús abin sogded: ‘We dia e dii be gobsale gannar be dii gobbi gudabaloed. Aukine, dii an beg ukoeddi sun nabir dule na sadegu dula gudii imaked.’

‘Dummad,’ ome abin soge, ‘¡we dii be anga wis udage! Adi bar an dii gobbi itogosulid. Bar an wes dii wedagosuli.’

‘Dummad,’ ome abin soge, ‘¡we dii be anga wis udage! Adi bar an dii gobbi itogosulid. Bar an wes dii wedagosuli.’ Ome dina binsae Jesús dii sunnadgi sunmaksiye. Aukine, Jesúsdi sunmaksii igar napiragwad Bab Dummad siki maidgi geb e reino gine, ar we ibmarmala dii, dula dule imakedyob gue. Nabir dule sadegu dula gudii imaked.

Jesús emisgi omeg soge: ‘Be suis be gornae geb be gannar dakbaloe.’

‘An sui sate,’ ome soge.

Jesús ega soge: ‘Inniki be sogsa, aukine, be walatar sui nikgusad, degine, machered emisgwa ebo be gudiidi, be sui sulid.’

Ome geger itoge, ar bela we ibmar nabirid. ¿Igi Jesús nabir we ibmar wisgusa? Ar Jesúsdi dule Bab Dummad Barmidagoye sogsadi, degine, Bab Dummad bela we ibmar ega sogsad. Emisgine Jesús sapingan gannar nonimala, geb geger Jesús dakmala ibigala ome Samaria ginedbo sunmaksii.

¿Ibu we igargi anmar durdake? Jesús dule nued dae bela dulemar neggwebur baid baid ginmaladgi. Anmar deyob gued abelemoga; mer anmar dulemargi binsao, we anmar dule sulid bali, dule isganaye. Jesús abege belagwable dulemar igar napiragwad durdakedi, nabir sadegu dula gudii dule imaked. Anmar amba emar bendakbie gumogadi, we ibmar durdakmalaga.

Juan 4:5-43; 17:3.



Egislenaid

  • ¿Ibig Jesús Samaria gine dia nagab signoniki, geb igi ome dii wedanikid gala sogsa?
  • ¿Ibig ome geger Jesús dake, geb igi Jesús ega soge, degine, ibig deyob soge?
  • ¿Dii igid gine Jesús sunmaksiye ome dina binsasa, aukine dii igid gine Jesús dina bur sunmaksii?
  • ¿Ibig ome geger itoge Jesús esik ibmar wisi itoargua, geb igi nabir Jesús we ibmar wisgusa?
  • ¿Ibu ibmar anmar we igar gine durdake?

Bamalad egislenabalid

  • Absoge Juan 4:5-43.

    Jesús daed yobi, ¿igi anmar dulesurmalad, anmar dakoe, geb anmar yob ibmar niksurmaladi? (Juan 4:9; 1 Cor. 9:22; 1 Tim. 2:3, 4; Tito 2:11.)

    Dule Jesús sapinga gusale, ¿ibu ibmar nuegan Bab igargi nikgunonikoe? (Juan 4:14; Isa. 58:11; 2 Cor. 4:16.)

    ¿Igi anmar ome Samaria gined yobi gue na oyosmogale, igi adi emarga ibmar durdaksadi sogebier itosa? (Juan 4:7, 28; Mat. 6:33; Luc. 10:40-42.)