Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

89: Jesús Babse goled neg nudasa

89: Jesús Babse goled neg nudasa

JESÚS sae ito daklege, ¿insoa? ¿Be wisi ibigala? Ar we dulemar Jerusaléngi Bab Dummad sega goled neggi bukmalad doggus mani binale itomala. Dulemar Babse goledga danimaladgi doggus mani bipisur gamala.

Jesús mese birgi mani bukwad minaid

¿Be daksa bia molimar gunanai geb ovejamar geb nuugwamala? We dulemar we ibmarmar ukbukmala, Babse goled neg yagine. ¿Be wisi ibigala? Ar Israel dorgan Bab Dummadga iblogega, ibmar durgan geb sikwimala abedamala.

Bab Dummad igargi soglemai Israel dule ibmar isgana imasale, Bab Dummadga ibmar ukegala, iblogoye. Unnila we unbii Israel dorgan Bab Dummad gala ibmar iblosurdamala ega ukega. Aukine, ¿bia nabir amismalarsunna, sikwimar geb bamalad ibmar durgan Bab Dummad gala ukega?

Abar Israel dulemar sikwimar nikmala geb ibmar durgan nikmarbali, nabir Bab Dummad gala ukega. Aukine, bur melu, ibmar durgan satemala, degine, sikwimar satemarbali. Bamaladdi, dikasuli Jerusaléngi mamasoggu, geg ibmar durgan sedadamala Babse goled negse. Agala dulemar wes ibmar durgan geb sikwimar baknonidamala. Auki, we dulemar doggus mani bipisur ibmar ukmala. Emar ib mani atursabukwa. Ukinbali, Bab Dummad sega goled neg yagine ibmar ukechurmarbalina.

We ulale Jesús sae itoge. Degsoggu, mesemar bigni bigni imasa geb manimar ber asakisa. Degine, ibmar bibyogeddub sobsa geb bela ibmar durgan neg magabali onosa. Geb nuugwa ukmaladga soge: ‘¡Bela onomalo! Mer an Bab nega mani bukidar amiged negga imakmalo.’

Abar Jesús bali nanamaladi eba gudimala, Babse goled neg yagine, Jerusaléngi. Jesús we ibmar imasgu, geger dakmala. Geb ebinsaarmala, Bibliag Bab Dummad Machisik soglenai: ‘Bab Dummad neg nue binaled bali, nue ulubse an ebuye.’

Jesús Jerusaléngi gudigusgua Pascua iba dakega, bukidar ibmar dakledisurmalad imasgusa. Sorbali, Jesús Judeagi nodbali geb gannar Galileas nadapi. Aukine, Samaria yarse mosmargwele. Anmar dakoena agine ibu ibmar gusa.

Juan 2:13-25; 4:3, 4.



Egislenaid

  • ¿Ibig ibmar durgan ukledae Babse goled neg yagine?
  • ¿Ibigala Jesús sae itoge?
  • Sobaledgi be dake, ¿ibu Jesús imaknai, geb dulemar nuugwa ukmaladga igi sogsa?
  • Jesús bali nanamalad, Jesús weyobi ibmar imakar dakarmargu, ¿ibu ebinsaarmala?
  • Galileas nadapmargua, ¿igi yar nugad sega mosmargwele?

Bamalad egislenabalid

  • Absoge Juan 2:13-25.

    Dulemar Babse goled neggi ibmar ukbukwa gusmalad Jesús nued daksasursoggua, ¿igi anmar dakmogosunna Ambakued Neggi manig ibmar uklesii guele? (Juan 2:15, 16; 1 Cor. 10:24, 31-33.)