Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

87: Jesús bipigwaun Babse goled neggi

87: Jesús bipigwaun Babse goled neggi

MACHIGWA serganbo sunmakgwichidi, be dake. We machergan, Jerusaléngi Bab Dummache goled neg siidyag emar odurdakmaladi. Geb machigwadi, Jesús. Bat bipisur gusa. Emisgi 12 año nika.

Emar odurdakmaladi geger Jesús dakmala, ibiyob Bab Dummad siki ibmar wisi, degine, Bibliag ibmar narmakar naid nue wisbali. Aukine, ¿ibigala José, Maríabo dina daklesurmala? ¿Bia adi gudimala? Anmar dakoena.

Jesús dummaganbo sunmakwichid

Birga irbali José na gwenadgan sesdae Jerusalénse iba soggwen dakega, we iba Pascuaye bilege. Nazaret, Jerusaléngi yeer bangue. Aunni dule wargwensaar carro niksuli, amba tren bela sate bali. Degsoggu, bur melu dulemar nagab nanadamala, geb Jerusalénse owarmakeg, ibbaa wilupsaar imakdamala.

Aunni José bat bukidar mimmigan nikana. Degsoggu, Jesús urbamar geb e bunmar bur nue dakedgi e sergan binsadamala, ar aamala bur burwigwachoggua. Degidgi, emidi José, Maríabo na mimmigan burakwa gannar Nazaretse nadapmala. Binsamala, Jesús dulemar bamalad abargi nadapmoye. Aukine, neg sedo gusgu, bukgusmargua, gwen Jesús daklesuli. ¡Gwenagan bamalad abargi amismala geb ayamar abargi, aukine Jesús gwen daklesuli! Degsoggu, gannar Jerusalénse nae daklearmala, agine amimalaga.

Napis, un aminonimala. Dakargu, emar odurdakmaladbo sunmaksii geb we dulemarse ibmar egichii. Degine, bela dulemar geger dakmala, ibiyob we machigwa ibmar wisi. Aukine, María ega soge: ‘Machi, ¿ibig be weyob anmar imasa? An be babbo bukib binsagusmalad be amigedba.’

Jesús abin sogde: ‘¿Ibig bemar an bin miamakdimarsunna? ¿Ar bemar wichursi an Bab neggi an sioed?’

Nabiri, Jesús yeer itodae Bab Dummad siki ibmar durdaklegedgi gusiile. Anmar deyobi gued abelemoga, ¿insoa? Webali Nazaretgi, Jesús itoged irbali Bab igar itogeche nanadae. Ar nuekwa itosii gusdasoggu, ibmar bukidar Bibliag narmakar naid durdasa. Anmar Jesúsyob imakmogad nuedi.

Lucas 2:41-52; Mateo 13:53-56.



Egislenaid

  • We sobaled gine, Jesús ¿igi año nika, geb bia gwichi?
  • Birga irba José, ¿ibu e gwenadgan bogwa imakdae?
  • E negsik ibagwengus nadapmalad gine, ¿ibig José, María bogwa gannar Jerusalén sega nadmala?
  • José, Maríabo, ¿bia Jesús amidapmala, geb ibig dulemar geger Jesús dakmala?
  • ¿Igi Jesús na e nan María gala soge?
  • ¿Igi anmar Jesús yobi imasmogale, Bab Dummad siki ibmar durdaknair?

Bamalad egislenabalid

  • Absoge Lucas 2:41-52.

    Igar mai inigwale machergana bur mer ikumaloedye, birga irbali iba gued sega nanaedi, ¿igi José, María bogwa igar nued mesismala, babgan emi iba ginmalad gala? (Luc. 2:41; Deu. 16:16; 31:12; Pro. 22:6.)

    ¿Jesús igi igar nued mesisa nusganamar emi iba ginmalad gala, babgan bali daed siki? (Luc. 2:51; Deu. 5:16; Pro. 23:22; Col. 3:20.)

  • Absoge Mateo 13:53-56.

    ¿Biti Jesús e urbamar warbake Bibliag obarilenai, geb ibu gine warbogwa Cristo sordamar bukmalad abargine arbasmala? (Mat. 13:55; Hech. 12:17; 15:6, 13; 21:18; Gál. 1: 19; Sant. 1:1; Jud. 1.)