Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

85: Jesús moli negyab gwalulesa

85: Jesús moli negyab gwalulesa

¿BE WISI we goe, doawa? We Jesús. Moli neg yabali gwalulesa. María, Jesús mesnai, moli mas maed ulu yagi. Auki ¿ibigala María, Josébo ibmar durgan bukwache nonimala? Ar goemala gwen neg wegiidgi gwaluleged sulid, ¿insoa?

Suli. Aukine, emar dina, we ibmar ulale, molimar negse nonimala: Dule Romag neg dakmaidi, Cesar Augusto, igar mesisa bela dulemar na e neg gwalulesache namaloye, gardag nug mesegarye. Geb Josédi, Belén neggweburgi gwalulesa. Aukine, José, Maríabo Belénse owarmakdapmargua, gabed neg amichurmala. Degsoggu, ibmar durgan gabed neg siiche nae daklearmala. ¡Geb aa ibag, María goe nikgunoniki, Jesús! Aukine, be dakena, goe nueganbii.

José, María geb goe Jesús

¿Be daksa oveja akwemalad Jesús sega atakdanimaladi? We dulemar neg mutiki sapurba gudimalana, geb gwallu mee emar dikarba ganoniki. ¡Dakargua, anger gudiina! Oveja akwemalad nue gwakismala. Aukine, anger wemarga sogsa: ‘¡Mer dobgumalo! An bemarga gaya nuegan berbedanikid. Emi Belén neggweburgi, Cristo, Dule Dummadi, gwalulesa. ¡We dule neggwebur bendakoedid! Samorgi obipirmakar maoe, degine, moli mas maed ulu yagine maoe.’ Geb ukiagwale angermar bukidar nonimarmogad geb Bab Dummad nug odummoarmalad. Degidgine, oveja akwemalad gwae abarmadmalad Jesús amigega, geb emisgi amidapmalad.

¿Be wisi ibigala Jesús akala, goe bamaladbo? ¿Be wisi nue doawa? Ebinsao, we garda gepe nodedgi anmar sunmasad, Bab Dummad Machi gebe obinnilesadgi. Jehovábo nibneg imakedgi arbasa geb Napaneg imakedgi, degine, bela ibmar bamalad imakedgi. ¡We Jesús, aadi!

Jehová na e Machi nibneggi gudiidi Napanegse barmiali, geb María e nan gala gunoniki. Igi goemar bamalad e nangi danidamala, deyobi Jesús e nan gine gwalulenonimogad. Aukine, we goedi Bab Dummad e Machi. Geb Belén neggweburgi, moli neg yabali gwalulesa. ¿Mag be itoge emisgi, ibig angermar yeer itosmala dulemar owisoarmargua, Jesús gwalulesye?

Lucas 2:1-20.



Egislenaid

  • Sobaledgi goe dake, ¿we doawa, geb ibu yagine María we goe mesnai?
  • ¿Ibigala Jesús molimar neg yabali gwalulesa?
  • We dulemar molimar negse dogdanimaladi, ¿doamala, geb igi anger wemarga sogsa?
  • ¿Ibigala Jesús goe baiganbo akala?
  • ¿Ibig Jesús nabir onugsalege, Bab Dummad Machiye?

Bamalad egislenabalid

  • Absoge Lucas 2:1-20.

    ¿Cesar Augusto ibu imasad bali Jesús bia gwalulegoye iduakwa soglesa, agine gwalulenoniki? (Luc. 2:1-4; Miq. 5:2.)

    ¿Ibu dule imakmogar gebe Bab Dummad ‘nued e dakmogaga’? (Luc. 2:14; Mat. 16:24; Juan 17:3; Hech. 3:19; Heb. 11:6.)

    Judea yargi oveja akwemalad yeer itosmalad, emar Bendakoed gwalulesad bali, ¿ibig Babga arbamalad emi iba gine bur bule yeer itomaladi? (Luc. 2:10, 11; Efe. 3:8, 9; Rev. 11:15; 14:6.)