Yaba nanaid daggega

Menú baid daggega

Índice daggega

Jehovági sunmagmalad

dule

An garda Bibliag sunmagged

100: Jesús Getsemanígi

100: Jesús Getsemanígi

CUARTOYAB bukwa nosmalad sorbali, Jesús e apostolmar bogwa Getsemaníye neg nugache nadmala. Iduale bali bali we negse nonidamala. Jesús emisgi emarga soge mer gabmaloye, degine, gatik Babse gormaloye, geb wis bipi emargi bangusgua, sindigar dullu sigwis Babse gote.

Beechegi, Jesús gannar e apostolmarse nonibali. ¿Ibu imakbukwa daknoni be binsae? ¡Aka gabbukmala! Ilabaagwa Jesús emarga sogsa mer gabmaloye, aukine gannar emarse aibirnonikile, gabmamai daknonidae. Napi nonikidgi, Jesús emarga soge: ‘¿Bemar gabbukde wegi neg gusoggalidgi? An istarmalache an uklegoed wachi owarmaksad.’

Degidgi, dule bukib oimakdaniki itollege. ¡Be dake! ¡Dulemar danimala espada annika geb suarmar annika! Baka gwallu sedanimala neg mee imakega. Itaka gusmargua, dule bukidarad imbagi dule wargwen noali geb Jesús sega nade. Degidgi, Jesús wagar usa igi sobarnaidgi be dake. ¡We dule, Judas Iscariote! ¿Ibigala Jesús ib wagar usa?

Judas, Jesús wagar unaid

Jesús, Judasga soge: ‘Judas, ¿wegi wagar uedgi be an uknade?’ Nabiri, wagar uedgi ibmar soggwen oyolenai. Dulemar Judasba danimalad emisgi wismala wee Jesús gue, degine, wemardi ar Jesús amidanimalad. Degsoggu, e istarmaladi Jesús siki nadmala gamalaga. Aukine Pedro dina, Jesús sedmalaga imakosuli, uluchuli. Espada sedanikid onosa geb dule e waliksaar gwichid sikde. E uadug nued sikid ei siksa. Auki emisgine Jesús dule uadug ebusa geb gannar ega nudasa.

Jesús emisgi Pedrog soge: ‘Espada be saboge. ¿Ar an Babse geg egis be an ebinsasi, milibali angermar barmidaye an bendakmalaga?’ ¡Eye, ar nabir egichale! Aukine Jesús egichasuli Bab Dummad sega angermar barmidaye, ar wichoggu wachi owarmasa e istarmalad e sedmalaga. Degsoggu, deyob imakmaladga imasa. Emisgi anmar dakoena igi Jesús gudbali.

Mateo 26:36-56; Lucas 22:39-53; Juan 18:1-12.



Egislenaid

  • Cuartoyab bukwa nosmargua, ¿bia Jesús geb e apóstolmar nadmala, degine, ibu imakmaloye na emar gala sogsa?
  • Jesús na e apóstolmar obesad sega gannar nonigua, ¿ibu imakbukwa daknoniki, geb ilabigwa deyobi gusa?
  • Sobaled be dake, ¿doamar Jesús gwichid sega dognonimala, geb Judas Iscariote ibu imasa?
  • ¿Judas ibig Jesús wagar usa, geb Pedro ibu imasa?
  • ¿Igi Jesús, Pedro gala sogsa, aukine ibigala Jesús egichasuli Bab Dummad sega anger barmidagedi?

Bamalad egislenabalid

  • Absoge Mateo 26:36-56.

    Jesús na sapingan unasad gine, ¿ibu ibmar nued durdakmala Cristo bali nanaid idudimaladi? (Mat. 20:25-28; 26:40, 41; Gál. 5:17; Efe. 4:29, 31, 32.)

    Ibmar emar naibi saed ebuged siki, ¿igi Jesús binsae? (Mat. 26:52; Luc. 6:27, 28; Juan 18:36.)

  • Absoge Lucas 22:39-53.

    Anger wargwena Getsemaní sega Jesús ogannoge gala nonisoggua, ¿soglesunde Jesús nollogudye, Bab Dummad benguarye? Be sogena (Luc. 22:41-43; Isa. 49:8; Mat. 4:10, 11; Heb. 5:7).

  • Absoge Juan 18:1-12.

    ¿Igi Jesús abechuli e istarmalad e sapingan oakaloged, geb ibu gine we anmar odurdake? (Juan 10:11, 12; 18:1, 6-9; Heb. 13:6; Sant. 2:25.)