Yaba nanaid daggega

Menú baid daggega

Índice daggega

Jehovági sunmagmalad

dule

Bemar nabir neguyagi yeer iddodi gudigued

 SECCIÓN 9

Neguyagi buraggwa Bab igar durdagmalo

Neguyagi buraggwa Bab igar durdagmalo

“Babdummad nibneg nasigsad, nabneg nasigsad [...] a e nug be odummomarsun.” (Apocalipsis 14:7)

We gardagi be dagsad, Bibliagi igar nuegan nanai bemar bendaggega. Jehová abemaid bemar yeer iddodii gumalad. Jehová sogmabalid bemar e igargi bur binsadamalale, “belagwabba [...] ibmarmar [bamalad] bemarga ug[legoye]” (Mateo 6:33). Babdummad bemar ai nuedga gubied. Degsoggu alamagnai gumarmogo Babdummad ai nuedga gumarmogaga, ar Bab aiga guedi bur igar nuedid, dule baid anmar aiga imaggedba (Mateo 22:37, 38).

 1 MER JEHOVÁGI BANGUO

BIBLIAGI SOGLENAID: “Ani an bemar Babga guoed, bemardi an masmalaga guoed. Bemardi an bunamalaga guoed. Deyob Babdummad soged” (2 Corintios 6:18). Jehová be ai nuedga gubied, be ese golele be ai nuedga guoed. Ar aaga Jehová weyob beg sogmaid: “Bali bali [anse] gordii be gumar” (1 Tesalonicenses 5:17). Jehová abeged be buggib binsadiir bela be ega ibmar soged (Filipenses 4:6). Be, be gwenaganmala Babse gordaele, dagdamaloed be bibbisaar Bab bensuli.

Auggi Babse goledbi unnisulid, eba igar imagged abelebalid. ¿Igi be eba igar imaggoe? Be, Biblia nueggwa durdagger gebed, geb gardamar Bab igargi sunmagmalad durdagbalid (Salmo 1:1, 2). Ibmar durdagmaidgi sorba nueggwa binsadabalo (Salmo 77:11, 12). Igar iddoged negse nanabalo, aagi be, Bab igar iddobaloed (Salmo 122:1-4).

Dule baidga be, Bab igargi sunmagbalile, be ibigwensur Babgi banguosulid. Be gadi Bab igargi sunmaggele, be, Bab ai nuedga guoed (Mateo 28:19, 20).

WEYOB BE NABIR IMAGGED:

  • Babse golega wadsi amidao, geb bali bali Biblia absodabalo

  • Mer dogdar ibmar baid imaggedgi binsadamalo, bur Babga ibmar imaggedgi binsadamalo

2 GWENAGAN BURAGGWA JEHOVÁ IGAR DURDAGGO

BIBLIAGI SOGLENAID: “Babdummadse be dagmar, Babdummad bemarse [dagmogoed]” (Santiago 4:8). Iddogedgi ibagwen iba amigo, geb wadsi mesbalo buraggwa bemar Bab igar durdagmalaga (Génesis 18:19). Bane bane Babgi binsadii gubalo, geb alamagbalo be gwenagan mer Babgi bangumarmogaga. Bibliagi soglenaid: “We gayaburbamar, be mimmigangala, be gannar gannar sogdii nanamalo. Be neggi be gudiile, igarba be gudiile, be megesoggalile, degine, be gwisgualile, ega be sogdii nanao” (Deuteronomio 6:6, 7). Josuéyob imaggo, edi sogsad: “Ar andina, an neguyaginmaladmala, Bab Jehová nug odummomaloed” (Josué 24:15).

WEYOB BE NABIR IMAGGED:

  • Bab igar durdaggega be igar amidele, be mimmigangi binsao, geb be omegi binsabalo

NABBI WISGUEGA

EMI IBAGI ¿DOAMAR JEHOVÁGA ARBADIDII?

¿Ibiga neguyagi buraggwa Biblia durdagged abelege?

Wegine be durdaggoed, dule, Babdummad ai nuedga gubiele, ¿ibigala we ibmar imagged abelege? Be wisgubaloed, dule nabir neguyagi gwenagan buraggwa nued gudiguega, ¿ibiga we ibmar imagged abelege?

¿BIBLIAGINE ¿NUE IGI SOGLENAI?

Igi neguyagi yeer iddodii gudi gulesale

Jesús igar nued mesisad masserganga, omeganga, mimmiganga. ¿ibu anmar Jesúsgi durdagsunna?