Yaba nanaid daggega

Menú baid daggega

Índice daggega

Jehovági sunmagmalad

dule

Bemar nabir neguyagi yeer iddodi gudigued

 SECCIÓN 3

Igar aburudele, igi ibmar onugulege

Igar aburudele, igi ibmar onugulege

“Bur bule na be mudsub mudsub sabgumar. Ar sabguedi, isgumalad buggidar elied.” (1 Pedro 4:8)

Dule, abirgin niggusale, igar aburosurye soglesulid. Ar na ebo emar binsaosurmalad, ar abar ibigwensur sae iddodamarbalid, ar emarbii dungussurmarbalid. Uggine sunna dulemar bamalad bemarga igar oburnonimarbaloed, sulirdina, uggiar bemarga neg dargwen gudele bemarga igar aburudbaloed.

Sun dule igar aburuder idu uggur naed, mer bar egi binsaega, auggi Bibliagindi soglenaid, igar aburuder bur nudagged abeleye (Mateo 5:23, 24). Bibliagi igarmar mamaidba imagledele nabir igar nugued.

 1 IGAR ONUGUMALO

BIBLIAGI SOGLENAID: “Sunmagleged e iba niggabalid” (Eclesiastés 3:1, 7). Igar aburuder aa ibmargi sunmagged abelegoed. Be abirgingi mer ibmar odugguo, nueggwa ega sogo, deyob ibmar gunaidba igi be iddoge, geb igi be binsabali. Mer be abirginga gaggansabalo (Efesios 4:25). Anba be sae iddogele mer urwedgi ibmar sogbalo. Be urwedgi ibmar sogsulile, igar aburnaidba urwed dummad noosurmogad (Proverbios 15:4; 26:20).

Be abirginbo be emar binsasulirbela mer urwedgi ibmar sogo. Be abirgin sabgudii guo, melle ibgwensur imagdii guo (Colosenses 4:6). Igar aburusale mer ogabo, gwae yog nudaggar imaggo, mer na bo sugmasuli gumarbalo (Efesios 4:26).

WEYOB BE NABIR IMAGGED:

  • Iba amigo, igar aburnaidgi be abirginbo sunmaggega

  • Be abirgin sunmagsiile mer abgayala abin sao, nueggwa iddogo, sorba be sunmagmogoed

 2 NUEGGWA IDDOGO

BIBLIAGI SOGLENAID: “Na be mudsub mudsub sabgumar, na gwenaddigwale be sabgumar. Na be mudsub mudsub dummaganyob be dagmar” (Romanos 12:10). Be abirgin sunmaggalile nueggwa abin iddogo, daggega ibiga degi binsae, ar abeleged na bemar “mudsub mudsub bendag[dii] guma[lad]”, geb na aigwar bemar nanamarbalid (1 Pedro 3:8; Santiago 1:19). Mer yamo iddosiiyob imaggo. Be ibmar imagnaile, indas imaggolo, be abirgin beg ibmar sognaid nueggwa iddogega, sulirdi ega sogo, sorba anmar nabir we ibmargi sunmasar sogeye. Be bogwad, be ai nued be daggele, be ebo urwedii guosulid (Eclesiastés 7:9).

WEYOB BE NABIR IMAGGED:

  • Be bogwad bega ibmar soggalir nueggwa abin iddogo, anba be nued iddosulile, mer binsao, we binsa gorsiye

  • Nueggwa abin suo, wisguega, nue ibiga degi sogsii. Nueggwa daggo, wile iddogedgi bega ibmar sogsidibe, sae iddogedgindibe

3 ALAMAGNAI SAO

BIBLIAGI SOGLENAID: “Nue arbalegedgine, ibmar nuegan amileged. Binsa gayaginbi soglegeddina, wilegedga emar imagged” (Proverbios 14:23). Unnila gaggaginbii soged unnisulid, weyob ibmar onugulegoye, imagged abeleged. Sunna ibmar ibgwensur guosulid igar onuguega, auggi onugued abeleged (Proverbios 10:4). Bemar na bebo igar onuguega alamagnanasundibe, bemar “ibmar nuegan niggumal[oed]” (Eclesiastés 4:9).

WEYOB BE NABIR IMAGGED:

  • Binsamalo, ibu bemar wargwen wargwengi imagmalar gebe nabir igar onugumalaga

  • Dagnadabbi gumalo, bule bemarga igar nugumadibe