Yaba nanaid daggega

Índice daggega

Jehovági sunmagmalad

Gaya soggwen suo dule

 SECCIÓN 1

Mer Babdi iemalo, bemar neguyagi yeer iddodi guega

Mer Babdi iemalo, bemar neguyagi yeer iddodi guega

“Gebesaglagi Babdummad we nabneg nasiggargu, massered ome ebo abirgunagwar ogwisnoniggid.” (Mateo 19:4)

Babdummad Jehová * gebesaglagi masseredga ome ugsad, na niggumalaga. Bibliagi soglenaid, Babdummad, ome obinyisye, geb “masseredga ome senoni[ye]”. Adán yeer iddogedba sogded: “Ar wedi an galado, ar ade, an gargi obinnilealedid. Wedi an sanado, ar ade, an sangi obinnilealedid” (Génesis 2:22, 23). Jehová anba abemaid dule na e abirginbo yeer iddodi gued. We gardagi abirgin nigguedgi sunmaglenaidi, na leygi niggumamaidgi sunmaglenaid.

Dule abirgin niggusale inbaggwa binsadaed bela ega ibmar nueganbi gudoye. Auggi ibmar degi gussurdaed, anba na gadi sabgumalarbela inbaggwa wis igar aburnonidaed (1 Corintios 7:28). We gardagi soglegoed Bibliagi abirgin nigmaladga igi igarmar mamai, bemar aaba igar imagmarsundibe, bemar nabir neguyagi yeer iddodii gusmalaled (Salmo 19:8-11).

 1 JEHOVÁ BEGA IGAR UGSADBA IBMAR IMAGGO

BIBLIAGI SOGLENAID: Massered negya seoedid (Efesios 5:23).

Massered, Jehová abeged, be sabedgi na ome aggwedi gued (1 Pedro 3:7). Bab bega ome imasad be bendagdii guega, degsoggu Jehová abeged be mer ome sabsur imagdii gued (Génesis 2:18). Bela beladse na be ome sabguoed, begindi doggus bar na be binsaosulid (Efesios 5:25-29).

Ome, Jehová abesulid, be ibigwensur be sui imagdi gued, abeged, be, be sui bendagdi gued (1 Corintios 11:3; Efesios 5:33). Be sui ibmar soggwen imagsoggalile, bendaggo, geb nuedgi eba igar imagdabalo (Colosenses 3:18). Deyob be imaggele, be sui yeer be daggoed, Jehová deyob be dagmamogoed (1 Pedro 3:1-6).

WEYOB BE NABIR IMAGGED:

  • Be abirginse egiso, ibu an nabbi imasbalirye, an bebo bur nued gudiguegarye. Bega ibmar soggalile, abin nueggwa iddogo, geb eba igar imagbalo

  • Mer gwae gwae iddogo, ibmar nueggwa imaglegega binna binna durdagleged

2 MER SABSUR BE ABIRGINGA SUNMAGGO

BIBLIAGI SOGLENAID: Mer baisur be abirgin dagdii guo (Filipenses 2:3, 4). Mer sabsur be abirgin imaggo, ebinsao, Jehová abesulid e sordagan sabsur emar imagdii gumalad (2 Timoteo 2:24). Ibmar soged idu nueggwa binsadao, igi be ibmar sogoe, ar Bibliagi soglenaid: “Dule yogasaar sunmaggedi, es suidse nagbigulegeyob emar imagged. Dule binsaed niggarbad e sunmaggeddina, ina nuedyob gued” (Proverbios 12:18). Jehová, be bendaggoed, mer be sabsur be abirginga sunmagdii guega (Gálatas 5:22, 23; Colosenses 4:6).

WEYOB BE NABIR IMAGGED:

  • Be, be bogwadbo ibmar soggwengi sunmagged iduale, Jehovága sogo, an bendagye, mer be bogwad abin sae iddogega, geb mer be, be sogedbarbi ibmar imagbaliga

  • Binsao, ibu ibmar be sogoe, geb igi be sogbaloe

 3 EBINSAO BAR BE WALAGWEN GUDISULID

BIBLIAGI SOGLENAID: Dule, abirgin niggusale, “san wargwennagwadga gunoniggo[ye]” (Mateo 19:5). Degi inigwale anba dule warbosoggua na emarbidi binsaosurmalad ibmar soggarmalar, auggine, durdagged abeleged bemar, igar amidele igar soggwen sumalad; be bogwad wile iddogele eba wile iddoged abelebalid (Filipenses 2:2) Ibmar soggwen imaggega bebobela, bemar na emar binsamalar gebed. ¿Igi nabir bemar deyob imasale? Bibliagi soglenaid: “Igarmar nuegan amilegedi, binsaed nued daggedba amileged” (Proverbios 20:18). Bemar ibmar soggwen imagsoggalile Bibliagi binsaed nuegan nanaidgi binsadamalo, aaba bemar igar imaggega (Proverbios 8:32, 33).

WEYOB BE NABIR IMAGGED:

  • Melle unnila binsa madar ibmar sogdao, be buggib binsadiile nueggwa ibmar sogdao

  • Ibmar soggwen imagged iduale, be abirginse wis egisdamogo

^ parr. 4 Bibliagi soglenaid, Jehová, Babdummad nugye.