Yaba nanaid daggega

Menú baid daggega

Índice daggega

Jehovági sunmagmalad

dule

Bab igargi be mimmi odurdaggo

 LECCIÓN 9

Jeremías, Jehovági sunmagged indassulid

Jeremías, Jehovági sunmagged indassulid

¿Ibigala dulemar Jeremíasse uluarmala?

Jehová, Jeremías bendasad

Anmar, Jehová igargi dulemarga sunmagnadele, inbaggwa dulemar anmargi dodoardamalad, inbaggwa anmar abin uluardamarbalid. Aabali sun anmar bar Jehová igargi sunmagbisur gudagoed. ¿Be deyob gudimoga?... Bibliagi soglenaid ebbenne dule wargwen gudigusye, Jehovági sunmagged indaggednaga gusye. We dule Jeremíasye nuganad. Anmar daggoena, ibu ibmar anmar Jeremíasgi durdaggoe.

Jeremías nussuggwa unni Jehová ega sogsad, dulemarga sognaoye, ibmar isgana imagdidiid indagmaloye. Jeremías dobguarsoggua, ega beedse gualid dulemarga we ibmar sognaega. Jehovága sogsad, anba bibbigwaddeye, an wissurye igi an dulemarga sogoye. Jehová ega sogsad, mer dobguoye, ani an be bendaggoye.

 Degsoggua Jeremías dulemarga sogdii gussunnad, bemar ibmar isgana imagmalad indagsurmalale, Jehová bemar oiddogoye. ¿Dulemar, Jeremías sogedba igar imasmardibe?... Suli, agga egi dodoarmalad, agga abin uluardamarbalid. Abar oburgwebi guarmarbalinad. ¿Igi Jeremías iddodii gusdibe?... Dobgualidba wegi sogsad, bar an Jehová igargi sunmaggosurye. ¿Bar nue Jehová igargi sunmassurdibe?... Suli, indassulid. Gadi Jehová igar binalensoggua, Jehovági sunmagged indassulid. Jeremías galagussursoggua, aaga Jehová, Jeremías bendagmai gusad.

Ibagwengi dulemar, yaa dummad yaba Jeremías egwadsamalad. Mas sadde, dii sadde gusbalid. Oburgwega yamo yaa yabba Jeremías egwadsamalanad. Auggi Jeremías burgwissur gusad, ar Jehová, Jeremías bendasad nabir wagginnega.

¿Ibu ibmargi Jeremías, be odurdasa?... Jeremías wis dulemar dobgudii gusmo inigwale, auggi Jehová igargi sunmaggeddi indassulid. Be, Jehová igargi sunmaggalile sun dulemar begi dododamarmogoed, bese uludamarmogodibe. Sun be bingeggued, sun be dobgudabalid. Auggi mer Jehová igargi sunmaggeddi indaggo. Jeremías bendasayobi, Jehová, be bendagmogoed.

BIBLIAGI ABSOGO

  • Jeremías 1:4-8; 20:7-9; 26:8-19, 24; 38:6-13