Yaba nanaid daggega

Menú baid daggega

Índice daggega

Jehovági sunmagmalad

dule

Babdummad ibmar nuegan sogmaid

 Lección 6

¿Burgwarmalad gannar durgumalodibe?

¿Burgwarmalad gannar durgumalodibe?

Jehová Adánga sogsad: “Ar be nabbasoggu, be burgwisale, nabbaga gannar be binyoed.” (GÉNESIS 3:19)

1. ¿Burgwarmalad igi gumaloe?

Jesús, Betania neggweburse nonigua e ai Lázaro bad ibbaggegus burgwismainad. Jesús, María, Marta, Lázaro nabbase nade gusmalad, sorba dulemar duurmagnonimarmogad. Be binsaena ¿bule María, Martabo yeer iddosmardibe, Jesús gannar Lázaro odurgusgu? Juan 11:21-24, 38-44 absogo.

Aaunni Marta bad wisinad dule burgwisar gannar nabir durguye. Bibliagi soglenabalid yoogidse dulemar gannar durgudamaloye. Job 14:14, 15 absogo.

2. ¿Dule burgwisar igi gusdae?

Anmar, “nabbagi” daniggid (Génesis 2:7; 3:19). Anmar, burba sadded. Aagala dule burgwisad sorba, e burba gudigussurdaed. Dule burgwisale bar bibbisaar ibmar ebinsassurdaed. Aagala Lázaro gannar durgusgua, sogsasulid burgwisgu ibu ibmar dagsa. Degsoggu dule burgwisale bar ibmar iddomasurdaed, bar wile iddomasurdabalid. Eclesiastés 9:5, 6, 10 absogo.

Dule burgwisale ¿Babdummad soo saglase dulemar barmisdadibe? Bibliagi soglenaid dule burgwisale bar ibmargi binsamasurdaye. Degsoggu dulemar sogele Babdummad soo saglagi dulemar wioye, sognai iddolledo Bab dule isganaye. Auggi Jehovádi bibbisaar deyob dulemar imaggedgi binsamasulid. Jeremías 7:31 absogo.

 3. ¿Dulemar burgwismaladbo nabir sunmaglesardibe?

Dule burgwisale geg bar sunmagged, bar ibmar iddomasurdabalid (Salmo 115:17). Auggi ángelmar isganagan gudidimarmogad, aamala yamo na burgwarmaladyob imasdamalad dulemarbo sunmaggega (2 Pedro 2:4). Aagala Jehová nabir dagsulid dule soger burgwarmaladbo sunmasye. Deuteronomio 18:10, 11 absogo.

4. ¿Doamar gannar durgumaloe?

Buggidar dulemar burgwismalad gannar durgudamaloed. Dulemar, Jehová igar durdassurmalad gannar durgumarmogoed. Lucas 23:43 geb Gusmalad 24:15 absogo.

Dulemar durgumaloedi Bab igar durdagmaloed. Jesús igar durdagmarbaloed, geb Jesús sogedba gudigumarbaloed (Apocalipsis 20:11-13). Weyob ibmar imagmalale nabir nabbaneggi sadegu gudigumarmogoed. Juan 5:28, 29 absogo.

5. ¿Ibigala Jehová gannar burgwarmalad odulogoe?

Jehová na e Massi anmar ular burgwega barmiarsoggu, aagala nabir gannar burgwarmalad durgumarmogoed. Jehová weyob igar amisadba mag dagleged nue dulemar sabe. Dulemar odurgulealile ¿doa bega odurguleged be abemoga? Juan 3:16 geb Romanos 6:23 absogo.