Yaba nanaid daggega

Menú baid daggega

Índice daggega

Jehovági sunmagmalad

dule

Babdummad ibmar nuegan sogmaid

 Lección 13

Bab igargi sunmagmalad ¿igi yoogidse guoye Bibliagi soglenai?

Bab igargi sunmagmalad ¿igi yoogidse guoye Bibliagi soglenai?

1. ¿Bela Bab igargi sunmagmalad nueganbidibe?

Anmar wisid bela Bab igargi sunmagmalad nueganbisulid, auggi aamar yaurgi dulemar nuegan gudidimarmogad, Jehová aamar wiledagmaid (2 Corintios 4:3, 4; 11: 13-15). Noticiamargi sogleardaed Bab sordaganye sogdidiid guerramargi dulemar oburgwiledidiye; iddolleardabalid agga aamala burwigangi dododidimarbali. Dulemar nue Babba igar imagbimaladdi deyob ibmar gunai iddoarmalar, nue gwage nunmag iddodamalad. Mateo 24:3-5, 11, 12 absogo.

Bab igar sunsogedba nanaidi, Jehová nug odummomalad. Noar Bab igar odurdagmaladdi, Jehová nug oissomalad, Biblia sogedba emar odurdagsurmarbalid, Jehová ogaggansamarbalid. Sogdamarbalid, dule burgwisar e burba gudidaye. Jehovádi abeged dulemar e igar sunsoged wisgued. Ezequiel 18:4 geb 1 Timoteo 2:3-5 absogo.

2. Bab igargi sunmagmalad ¿igi yoogidse guoye Bibliagi soglenai?

Abar dulemar sogdimalad Bab igar binarmarye, auggi bur Nia sogedba ibmar imagdidimalad, Jehovádi aamarse yardaglegosulid (Santiago 4:4). Noé ibagi Dii Dummad Wisad sorba Babilonia neggweburgi Bab igar isguded. Aagala bela noar Bab igar odurdagmalad Bibliagi bilenaid: “Babilonia Neggwebur Nue Nug Niggad[ye]”. Jehová uggiar noar e igar odurdagmalad obergunoniggoed. Apocalipsis 17:1, 2, 5, 16, 17 geb 18:8 absogo.

Jehová, dulemar nuegan noar Bab igar odurdagmalad abargi gudimalad wenaid, aaga e igar sunsogedgi wemar odurdagnaid. Miqueas 4:2, 5 absogo.

Bab igar sunsogedba namaladi nabo nued gudidimalad

 3. Dulemar nuegan ¿ibu imagged abelemala?

Dulemar, Jehová igar durdagbimalale, geb ibmar nuegan imagbimarbalile, Jehová nued iddomadaed. Aagala sogmaid, noar an igar odurdagmaladgi bangumarye. Dule nue Jehovába igar imagbiele noar Bab igar odurdagmaladgi bangue dagledagoed. Apocalipsis 18:4 absogo.

Siglo primerogi Jesús sordagan dulemarga Bab igar sunsogedgi sunmasmargua, buggidar dulemar nuegan yeer iddosmalad. Degsoggu Jehovába aggasmargua yeer iddodi gudigusmalad, wisi gudigusmarbalid yoogidse sadegu gudigumarbaloye. 1 Tesalonicenses 1:8, 9 geb 2:13 absogo.

Jehová yeer iddodaed dule e igar sunsoged durdagbiedba noar e igar odurdagmalad indasar. Dule weyob ibmar imasale, Jehová aiga guoed, gwenagan buggidar nigguoed, geb yoogidse bar burgosurbalid. ¿Weyob be gudigubisurmoga? Marcos 10:29, 30 geb 2 Corintios 6:17, 18 absogo.

4. ¿Ibu Jehová imaggoe dulemar nabir yeer iddodi gumalaga?

Jehová noar e igar odurdagmalad obelosale bela neg nugudoed. Degsoggu dulemar unnila Bab igar sunsogedbi wisgumarsunnoed, bar yardaglegosurmalad. Bela dulemar Jehová garbii arbabuggwa gudmarsunnoed. ¿Bule ibmar nuegan guosur be iddosunna? Apocalipsis 18:20, 21 geb 21:3, 4 absogo.

 

NABBI WISGUEGA

¿BIBLIAGINE ¿NUE IGI SOGLENAI?

Biddi bur Bab igar sunsogedi

Durdaggo ibmar sog nergwa Bab igar sunsogedba namaladi imagmalad.

¿BIBLIAGINE ¿NUE IGI SOGLENAI?

Bab igar sunsogedba be nagumoga

Be ibmar dudagnaidgi be emarga sunmaggalile, ¿sun igi be abin gudamaloe? ¿Igi be nabir nuedgi emarga sunmasale?