Yaba nanaid daggega

Menú baid daggega

Índice daggega

Jehovági sunmagmalad

dule

Babdummad ibmar nuegan sogmaid

 Lección 12

¿Igi anmar nabir Jehová aiga gusale?

¿Igi anmar nabir Jehová aiga gusale?

1. ¿Jehová bela dulemar iddomadibe?

Jehová bela dulemarga sogmaid, anse gormarye (Salmo 65:2). Deginigwale soglesulid bela dulemar ese goledi iddomaye. Aagala Bibliagi soglenaid massered na sabsur e ome imaggele, Babse goddele, ‘Bab abin iddogosurye’ (1 Pedro 3:7). Ebbenne israelitamar gannar gannar ibmar isgana imadmargua, Jehová israelitamar iddomai gussulid. Deginigwale dule nue Babgi yoles mag na iddogele, bar ibmar isgana imagbisurbalile, Jehová we dule iddomaoed. Isaías 1:15 geb 55:7 absogo.

2. ¿Igi anmar Babse goloe?

Jehová sebii unnila anmar goloed (Mateo 4:10; 6:9). Ar Jesús anmar isgued ular burgwissoggua, aagala anmar Jesús nuggi Babse goloed (Juan 14:6). Jehová abesulid gardagi narmaggaledba anmar ese goled, nonogi ganiggidbardibe; Jehová abeged anmar gwagegi ibmar naid anmar ega soged. Mateo 6:7 geb Filipenses 4:6, 7 absogo.

Anba anmar, gwagegi binsasii Jehováse golele, Jehová anmar iddobaloed (1 Samuel 1:12, 13). Jehová abeged anmar bali bali ese goled, wagdara, sedogi, mas gunsoggalir; abebalid anmarga neg beedse gualir anmar ese goled. Salmo 55:22 geb Mateo 15:36 absogo.

3. ¿Ibigala nuedi igar iddogedse nanaed?

Emi ibagi dulemar Bab igar wisgubisurmalad, anmar dulemarga soggalile yoogidse nabbaneg nudguoye, agga we ibmargi dodoardamarbalid. Sun aabali Babga arbaed anmarga beedse gudagoed (2 Timoteo 3:1, 4; 2 Pedro 3:3, 13). Aaga anmar igar iddogedse nanaed abeleged, ar aagine anmar na mudsub mudsub ogannobuggwad. Hebreos 10:24, 25 absogo.

 Jehová sordaganba anmar aggamogale, bur bule anmar Jehová binar gudmogoed. Jehovági sunmagmalad igar iddogedse nanaedi anmar bendagged, anmar na mudsub mudsub ogannomalaga. Romanos 1:11, 12 absogo.

4. ¿Igi anmar nabir Jehová aiga gusale?

Anmar nabir Jehová aiga guegala Bibliagi anmar ibmar durdasadgi nueggwa binsabalir gebed. Anmar nueggwa binsaoed, Jehová ibmar imasadgi, anmarga binsaed nuegan ugmaidgi, geb yoo anmarga ibmar nuegan imaggoye sogmabalidgi. Anmar Bibliagi ibmar durdagmaidgi nueggwa binsaele, geb anmar Jehováse gordabalile, anmar mag iddononiggoed Jehová yeer anmar binale, geb Jehová yeer ibmar wisbali. Josué 1:8 geb Salmo 1:1-3 absogo.

Anmar, Jehová bensulile anmar e aiga guoed, geb anmar mer iebalir gebed ibigala anmar Jehovába nagusa. Mateo 4:4 geb Hebreos 11:1, 6 absogo.

5. ¿Ibigala nue abelege anmar Jehová aiga gued?

Jehová na gadi e aimar binaled. Jehová na e aimar bendagmaid mer egi bengumalaga, geb nabir yoogidse sadegu gudigumala (Salmo 91:1, 2, 7-10). Jehová anmarga sogmaid, igi anmar daele anmar nued gudiguoe; geb igi anmar dabalile anmar nued gudiguosuli. Salmo 73:27, 28 geb Santiago 4:4, 8 absogo.

 

NABBI WISGUEGA

BIBLIA DURDAGLEGED IGAR

¿Ibiga nue Biblia durdagged abelege?

Millónba mergu dulemar Bibliagi we igar balamismalad. Anmar abeged be Biblia durdagmogad.

¿BIBLIAGINE ¿NUE IGI SOGLENAI?

¿Be wisi igi Babse gorlege?

¿Anmar ese goler Bab Dummad anmar iddomadadibe? Bibliagi we ibmargi sunmaglenaid, be wisgubiele nabir be, Bibliagi we ibmar durdagged.