Yaba nanaid daggega

Menú baid daggega

Índice daggega

Jehovági sunmagmalad

dule

‘Bab be sabgumai guega, mer egi banguo’

 APÉNDICE

Negocio ular igar aburudele, igi igar onugulegoe

Negocio ular igar aburudele, igi igar onugulegoe

1 Corintios 6:1, 8 segadgine apóstol Pablo sunmasad igi ebbenne gwenagan na gae nanai gusmala. Pablo sae iddogedgi sogsad abar gwenagan Corintoginmaladi ‘igar nabirogegala’ agga ‘dummagan Bab wissurmaladse’ naddamarye (versículo 1). Sorba sogsad anmar abargi wis igar aburudele, gwenagan yaurgi anmar igar nudagged abeleye, neggweburmargi juezmar mamaidse anmar naedsurye. Anmar wegine daggoena ibigala Pablo deyobbira sogsa, geb sorba anmar dagbaloed ibigala inbagwen Pablo sogsadba ibmar ginnelle imaglegosurbali.

Negocio ular anmarga gwenaganbo wis igar aburudele, Jehová abeged e sogedba anmar igar nudagged, anmar sogedbarsuli (Proverbios 14:12). Jesús sogsad bur bule igar abured iduale gwae yog nudaggar imagged bur nuedye (Mateo 5:23-26). Abar gwenagan nuedgi igar nudagbisurdamalad, agga neggweburgi juezmar mamaidse igar nudaggega naddamalad. Pablo sogsad, gwenagan na ‘abin abin imagnanaile’ binsa na gaenana gumaloeddeye. ¿Ibiga deyob sogsa? Ar agga sun Bab Dummad nug oissoleged, geb agga sun binsa gwenagan aamarba galedmarmogoed. Mer ibmar deyob guegala anmar Pablo sogsadba igar imagger gebed, anmar gwenaganse ‘wioleger’ bur nuedid (versículo 7).

Pablo sogsabalid Bab Dummad na igar mesismoye nabir igar onugulegega. Aaga sogsad anmar yaurgine abar gwenagan Biblia durdagmaidba nue binsaed nigga gus gudidiye. Degsoggu idudimaladi wismalad igi “we nabneggined igargan” “gwenadganga [...] nabo[lege]” (versículos 3-5). Jesús sogsamogad gwenagan na abbur imasmalale —nug oissosmalardibe, na yardasmalardibe— igar nudaggega ibmar sogbaa nabir imaglesarye. Gebbedgi, igar onuguegala, doa dulebo bega igar aburnai, aa dulebo abinni be sunmaggoed; igar nugussulile, be dule wargwen, warbodibe amibarsunnoed, dule bebo igar aburnaidbo be gannar sunmagnaega; anba igar nugussurgusale,  idudimaladse be we dule sedsunnoed (Mateo 18:15-17).

Idudimaladi emarga abogadoga guosurmalad, negocio imaggega emarga binsaed daggosurmarbalid, degsoggu igar onugudele abogadomaryob igar onuguosurmalad. Idumaladi geg gwenaganga sogmalad weyob bemar ibmar mimigoye nabir igar nudaggega. Idudimalad alamagmaloed gwenagan nabir Biblia sogedba igar imagmalaga, nabir nuedgi na igar onugumalaga. Doggus igar aburnaile gwenad circuitogi arbaedse gorlegoed, sulirdina Jehovági sunmagmalad oficina siidsedibe gorlegoed. Auggi inbaggwa Pablo ibmar sogsadba ibmar ginelle geg imaglebalid. Anmar aa ibmargi sunmaggoena.

Gwenagan na juezse sedmale igar soggwen onueguega soglesurbalid noar ibmar imagnanaye. Sun juezse igar onugulenaed ley sogedba igar imaggega, sulirdi nuedgi igar onuguegardibe. Binsa anmar sogoena, dulemar na leygi meddemalagala juezse namalar gebed. Dulemar na meddemalad daggega doa bur mimmigan sedoedi, juezse nabalir gebed; nabir mimmiganga mani barmilegegala, juezse nabalir gebed, seguro mani suegardibe, negocio bissisar arbsad mani ega uglegagardibe, testamento legalizar saegardibe. Sun dule juezse selesadi, juezse dule e sesad sedmogad. *

Dule nuedgi igar onugubiedba juezse baid sesale soglesulid Pablo ibmar sogsadba igar imagnasurye. * Anmar bur Jehová nug odummogedgi binsaed abeleged, gwenaganbo urwed amidii gued abelesulid. Anmardina Cristo sordagansoggua na sabgudii nanabied, ar anmar nue gwenagan sabele, anmar na ‘anmarginbi binsadii guosulid’ (1 Corintios 13:4, 5; Juan 13:34, 35).

^ parr. 2 Inbaggwa gwenad wargwen sun mimmigan sangi dodoged, gwenad baid sarsogodibe, oburgodibe, mani dummad addursaodibe, degi neg gusale issaggwasuliled dummaganga (policíamarga) urmagged. Mag iddolleged wegi neg gunaidba sun aa dule preso melleged, mani dummad egi galegodibe.

^ parr. 3 Be nabbi we ibmar wisgubiele, La Atalaya, marzo 15 gad, 1997 gi nosad, página 17, 22 se naidgi daggo; geb octubre 15 gad, 1991 nosad, página 25, 28 se naidgi dagbalo.