Yaba nanaid daggega

Menú baid daggega

Índice daggega

Jehovági sunmagmalad

dule

‘Bab be sabgumai guega, mer egi banguo’

 APÉNDICE

Bander saludar saed, voto egwaned, neggweburga ibmar imagged

Bander saludar saed, voto egwaned, neggweburga ibmar imagged

Bander saludar saed. Jehovági sunmagmalad wisid bander saludar saleged, geb himno nacionalgi namagleged Babse goledyobye. Dule bander saludar sanaile sognaiyobid e neggwebur, geb e dummagan e bendaggoedye, degsoggu Babgindi binsa daglesulid (Isaías 43:11; 1 Corintios 10:14; 1 Juan 5:21). Ebbenne deyob Babiloniagi Nabucodonosor odummosmarmogad. Nabucodonosor abealid bela gwebur wisguedi eedi nue Bab igar wismoga, geb dummadga mabali. Aaga estatua dummad sobsad, bela dulemar Babilonia himno nacional namaglealir, estatua asabin sindigar buggumalaga. Aa unni hebreomar ebaa —Sadrac, Mesac geb Abednego— emar abargi gwissi gusmarmogad, aamardina sindigar estatua asabin sigwissurmalad, anba emarga soglesan inigwale, bemar sindigar buggusurmalar oburgwelemaloye (Daniel, capítulo 3).

Carlton Hayes, libro El nacionalismo: una religión gine narmasad, igi “dulemala na yarbin surbinsa iddodamala”. Aa librogi sognaid: “Bander neggweburmar Bab Dummadyob gued. [...] Dulemar bander asabin gusale gurgin unnus damalad;  mimmigan, banderga namagmalad; poetamar, banderga gormagmalad”. Aa librogi sognabalid dulemar na yarbin surbinsa iddomaladi “iba soggwen” amismarbarye neggweburga iba onogega; dulemar “yarbin ablis aryosmaladga” iba onodamarbarye, geb “templomar” na nigmarbarye. Aaga Estados Unidosgine, julio 4 gi na neggweburga iba onomalad. Diario Oficial de la Federación, Méxicogadi, sogmogad, “Escudo, Bander geb Himno Nacional, we ibmarmala neggwebur nug odummogega imaggarnanaye; degsoggua dulemar we ibmar Babyob dagged abeleye, dodoaggwa dagged abelesurye”. Bad diggasurgus garda maddagwengi soglesmogad “bandergi dodolegedsurye, nacrusyobmoye” (The Encyclopedia Americana).

The Encyclopedia Americana gine nabalid, himno nacionalgine namagledele “dulemar sogdamalad bule na yarbin iddomala, Bab Dummadga sogleardaed neggwebur bendagmai geb dummagan idumai gubaloye”. Degsoggua Jehovági sunmagmalad sogdibe bander saludar saedi, geb himno nacionalgi namaggedi we ibmarmar Bab Dummadga imaglenaiyobye, gaggan sogsurmalad. Libro Genio y figura del norteamericano gine profesor D. W. Brogan sogsad, igi juezmar sogsa burwigan Jehovági sunmagmaladi budar bander saludar samaladba, geb budar juramento sogmaladba juezmarse selesmargu: “Corte Suprema sogsad [unnila irgwenna sogsasulid] dulemar bander saludar saele, bander na Babga imagnanaye”.

Jehovági sunmagmaladi wismalad we ibmarmar imaglegedi Bab igargi yolege, aaga anmardi we ibmar imagsulid, auggine anmar bamaladgindi nai guosulid mer we ibmarmar imagmalaga. Anmar, bandermar ibgwensur imagsulid, geb anmar gobiernomarba igar imagmarbalid ar Bab Dummad, “dummagan neg dagmamaid” mesisad, “ar ade, Bab Dummad belagwabba na dummagan mesed” (Romanos 13:1-4). Anmar, “reymarga” geb “dulemar neg dagmaimaladga” Babse gormarbalid. Anmar deyob imagged, anmar nabir nuedgi Babga “nanabuggwa” guega (1 Timoteo 2:2).

 Voto egwaned. Dulemar na voto egwannabiele na egwannamaloed. Elecciones gunaile anmar dulemarga sogosurbalid mer aamarba aggamaloye, geb dule wargwen naggwisale anmardi eba igar imagbaloed. Auggi anmardi políticomarba nagusulid (Mateo 22:21; 1 Pedro 3:16). ¿Igiirsunna be neggweburgi igar mair, bela dulemar voto egwanmaloye? ¿Voto egwannasulir dulemar balegilleardaerdina? Be na ibmar isgana imaggosur iddogele, be nabir voto egwallenaid negse namogad. Igi Sadrac, Mesac geb Abednego, Dura neggweburse arbimarmoga, aamaryobi sun be imasmogaled. Auggine mer emarba aggaegala wegi ibmar sognergwa soglegoedgi binsao.

  1. Anmar “nabnegginedsur[malad]” (Juan 15:19).

  2. Anmar, Cristoga geb e Reinoga arbamaladid (Juan 18:36; 2 Corintios 5:20).

  3. Bela anmar igar soggwennaginbi odurdaglegaled, geb bela anmar na sabedbimarbalid (1 Corintios 1:10; Colosenses 3:14).

  4. Anmar, dule wargwenba voto egwadsale, geb sorba we dule agga neg oisgudele, anmar nuggi neg isgudeyobi sun gusmosunnaled (we ibmar wisguega 1 Samuel 8:5, 10-18 geb 1 Timoteo 5:22 daggo).

  5. Israel dorgan rey niggubiguarmargua, Jehová iddosad we dulemala egine agbiddemala (1 Samuel 8:7).

  6. Anmar Bab Reinogi bela dulemarga sunmagbied, aggarsulid ibu partido políticoba dule nadibe (Mateo 24:14; 28:19, 20; Hebreos 10:35).

Neggweburga ibmar imagged. Abar neggweburgi igar maid dule soldadoga gubisulile, neggweburgi ibmar baid imaggoye. Weyob anmarga neg gualile ¿ibu anmar imaggoe? Anmar Jehováse goloed; anmar nueggwa wisgubaloed, igi anmar ibmar imaggoe; sunna gwenaganse anmar binsaed egisbalid. Degiile anmar yogsaar ibmar imaggosulid, mer sorba buggib binsadii guega (Proverbios 2:1-5; Filipenses 4:5).

Bab Dummad gardagi anmarga sognaid “dule[mar] neg semamaid urbaligwa [...] nanamaloye”, “ibmar nueganbi imag[maloye]”,  geb mer “dulemargi issaggwa sunmagmaloye” (Tito 3:1, 2). Neggweburga anmar ibmar imaggesoggalile, nuediled anmar we ibmarmargi binsaer: “¿An emar sordaga gudodibe, agga an Jehová igargi annadodibe? ¿Dulemar noar Bab igar odurdagmaladba agga an aggadodibe?” (Miqueas 4:3, 5; 2 Corintios 6:16, 17). “¿Anga beedse gudagodibe an Bab igarba ibmar imagdii guega?” (Mateo 28:19, 20; Efesios 6:4; Hebreos 10:24, 25). “¿An we ibmar imagye sogele, nabir an bur bule Babga arbadii gusardibe? ¿An bendaggodibe, an nabir igar mayedga arbadii guega?” (Hebreos 6:11, 12).

Anmar gwenad wargwen soggalile bur an neggweburga arbaoye, mer cárcelgi mellegega, anmar aa dulegi issaggwa sunmagged abelesulid (Romanos 14:10). Dule budar neggweburga ibmar imaggele, bur cárcelse mellenabiele, anba anmar egi issaggwa sunmaggosurbalid (1 Corintios 10:29; 2 Corintios 1:24).