¿Muʼ baʼ wʌl chaʼan jiñʌch . . .

  • ... jumpʼejl libro muʼ bʌ yʌl i ñaʼtʌbal quixtañujob?

  • ... jumpʼejl libro muʼ bʌ yʌl cuento tac?

  • ... i Tʼan Dios?

 MUʼ BΛ I YΛL JINI BIBLIA

«Chʼoyol ti Dios pejtelel i Tsʼijbujel.» (2 Timoteo 3:16, I TʼAN DIOS.)

JINI WENLEL TAC MUʼ BΛ MEJLEL A TAJ

Wen tac bʌ i jacʼbal jini ñuc tac bʌ cʼajtiya (Proverbios 2:1-5).

Wem bʌ ticʼojel tac chaʼan bajcheʼ wen maʼ chumtʌl ti jujumpʼejl qʼuin (Salmo 119:105).

I sujmlel bʌ pijtaya ti tal to bʌ qʼuin (Romanos 15:4).

 ¿AM BA CHUCOCH MAʼ ÑOP MUʼ BΛ I YΛL JINI BIBLIA?

Añʌch uxchajp chucoch:

  • Maʼanic baʼ ora miʼ contrajin i bʌ. Jini Biblia tiʼ tsʼijbuyob 40 winicob, tsaʼ jalʼa tiʼ tsʼijbuntel 1,600 jab. Mach tiʼ pejtelelobic tiʼ cʌñʌyob i bʌ. ¡Jini Biblia maʼanic miʼ contrajin i bʌ yicʼot jumpʼejl jach i temajlel!

  • Tsʼʌcʌlob i tʼan jini xtsʼijbayajob. Cabʌl yujiloʼ bʌ chaʼan historia, maʼanic miʼ tsʼijbuñob chuqui mach bʌ wenic miʼ yujtel tiʼ tojlel i tejclumob. Pero tsaʼ bʌ i tsʼijbuyob jini Biblia, tiʼ tsʼijbuyob chuqui mach bʌ wenic tsiʼ meleyob yicʼot tsaʼ bʌ ujti tiʼ tojlel i tejclumob (2 Crónicas 36:15, 16; Salmo 51:1-4).

  • Jini profecía tac muʼ bʌ i yʌl miʼ laj tsʼʌctiyel. Jini Biblia tsiʼ wʌn alʌ chaʼan mi caj i jisʌntel jini tejclum Babilonia, tsaʼ wʌn ajli cheʼ bʌ anto yom 200 jab chaʼan miʼ jisʌntel (Isaías 13:17-22). Mach cojic jach tsaʼ wʌn ajli bajcheʼ mi caj i jisʌntel, tsaʼ wʌn ajli jaʼel chuqui i cʼabaʼ jini rey muʼ bʌ caj i jisan (Isaías 45:1-3).

    Yonlel profecía tac am bʌ ti Biblia, tsaʼ laj tsʼʌctiyi. Cheʼ bajcheʼ tsaʼix laj cʌñʌ, ¿mach ba cheʼic bʌ libro laj com bajcheʼ jini tilem bʌ ti Dios? (2 Pedro 1:21.)

 CʼAJTIBEN A BΛ

¿Bajcheʼ miʼ mejlel i coltañon jini i Tʼan Dios?

Mi caj a tajben i jacʼbal loqʼuem bʌ ti Biblia yaʼ ti ISAÍAS 48:17, 18 yicʼot 2 TIMOTEO 3:16, 17.