¿Jimba yom an . . .

  • ... a cʼuxbiya?

  • ... a taqʼuin?

  • ... yan tac bʌ chubʌʼañʌl?

 MUʼ BΛ I YΛL JINI BIBLIA

«¡Ñumen tijicñayob muʼ bʌ i yubibeñob i tʼan Dios muʼ bʌ i jacʼob!» (Lucas 11:28, I TʼAN DIOS.)

JINI WENLEL TAC MUʼ BΛ MEJLEL A TAJ

Mi caj laʼ taj jini isujm bʌ cʼuxbiya (Efesios 5:28, 29).

Mi caj laʼ qʼuel laʼ bʌ ti ñuc (Efesios 5:33).

Ñʌchʼʌl mi caj laʼ wajñel (Marcos 10:6-9).

 ¿AM BA CHUCOCH MAʼ ÑOP MUʼ BΛ I YΛL JINI BIBLIA?

Añʌch chaʼchajp chucoch:

  • Dios jiñʌch tsaʼ bʌ i mele jini familia. Jini Biblia miʼ yʌl chaʼan Jehová Dios, jiñʌch «tsaʼ bʌ i yʌqʼueyob i cʼabaʼ jujunchajp winicob xʼixicob» (Efesios 3:14, 15). Cheʼ mi laj cʌl ti yambʌ tʼan, añʌch waʼli jini familia, come Jehová tsiʼ mele. ¿Chucoch ñucʌch cheʼ mi laj cʌn chaʼan iliyi?

    Ñaʼtan cu iliyi: Woliyic a cʼux jumpʼejl bʌlñʌcʼʌl wen sumuc bʌ, pero a wom a ñaʼtan chuqui tsaʼ otsʌbenti cheʼ wen sumuc tsaʼ loqʼui, ¿majqui maʼ cʼajtiben chaʼan jini? Jiñʌch tsaʼ bʌ i chajpa jini bʌlñʌcʼʌl.

    Cheʼ lajal jaʼel chaʼan jini familia, mi a wom a ñaʼtan chaʼan bajcheʼ yom maʼ mel chaʼan tijicña miʼ chumtʌl a familia, jiñʌch Jehová yom maʼ cʼajtiben, come jiñʌch tsaʼ bʌ i mele (Génesis 2:18-24).

  • Dios mucʼʌch i qʼuelonla ti ñuc. Jatet yicʼot a familia ñumen wen cheʼ mi laʼ sajcan jini ticʼojel tac yaʼ bʌ an ti Biblia, tsaʼ bʌ i yʌcʼʌ Jehová, «come woliʼ cʌntañetla» (1 Pedro 5:6, 7). Jehová yom chaʼan tijicña mi lac chumtʌl. Jini i ticʼojel tac miʼ coltañonla ti pejtelel ora (Proverbios 3:5, 6; Isaías 48:17, 18).

 CʼAJTIBEN A BΛ

¿Chuqui yom mic mel cheʼ anix quijñam, cheʼ anix c ñoxiʼal o cheʼ tatʌloñix?

Mi caj a tajben i jacʼbal loqʼuem bʌ ti Biblia yaʼ ti EFESIOS 5:1, 2 yicʼot COLOSENSES 3:18-21.