An cabʌl wiñicob xʼixicob muʼ bʌ i ñaʼtañob chaʼan jiñi cruz jiñʌch jumpʼejl símbolo i chaʼan jiñi xñoptʼañob tiʼ pejtelel pañimil. Anquese joñon lojon bajcheʼ i testigojob Jehová xñoptʼañon lojon, pero maʼañic mij cʼʌn lojon jiñi cruz yicʼot maʼañic mic chʼujutesan lojon. ¿Chucoch?

Ti ñaxan, come jiñi Biblia maʼañic mi yʌl chaʼan Jesús tsaʼ chʌmi ti jumpʼejl cruz, pero mucʼʌch i yʌl chaʼan tsaʼ chʌmi ti juntsʼijt teʼ. Jiñi Biblia mi yʌl jaʼel ili mandar tiʼ tojlel jiñi xñoptʼañob: «Mach yomic mi laʼ chʼujutesan diosteʼ tac». I cheʼ bʌ miʼ cʌjñel ti chʼujutesaya jiñi cruz jiñʌch jumpʼejl ejemplo chaʼan i chʼujutesʌntel diosteʼ tac (1 Corintios 10:14; 1 Juan 5:​21).

Cheʼ jaʼel, Jesús tsiʼ yʌlʌ bajcheʼ miʼ cajel ti cʌñol jiñi isujm bʌ xñoptʼañob cheʼ bʌ tsiʼ yʌlʌ ili tʼan: «Cheʼ jiñi pejtelel wiñicob mi caj i ñaʼtañob xcʌntʼañetla c chaʼan [...] cheʼ mi laʼ cʼuxbin laʼ bʌ» (Juan 13:34, 35). Jin chaʼan, muʼ bʌ i yʌcʼ ti cʌñol tiʼ sujmlel jiñi xñoptʼañob jiñʌch cheʼ miʼ cʼuxbiñob i bʌ, i mach jumpʼejlic cruz mi jiñic to yambʌ imagen tac.