Wãra kartama

Wãra yi ũmemae

Wãra yi bed’ea nabemamae

Jeowa ʉ̃rʉ K'awuabipanʉrã

embera katio

Wũãwũãra jaradiara

 YI 8

Josiabara neũdukʼawua biata jʉrʉsi

Josiabara neũdukʼawua biata jʉrʉsi

¿Krĩchabʉka Jeowaba jarabʉ oira zareẽãta?... Ẽbẽrarã mejãchaʉ̃ba jarapanʉ zareata. Mamina Daizeze Bedʼeaba jaradiabʉ mawũãẽãta. Jaradiabʉ Josia ʉ̃rʉ, iyara nekʼãrẽ jõma obasi Jeowaba jarabʉdebaita. Iyira kʼarebasi neũdukʼawua bia jʉrʉdaba. Kʼawuadaya Josia ʉ̃rʉ akʉza iyi neũdukʼawuara bia erbada ʉ̃rʉ.

Josia zeze trʉ̃ra Amonbasi akʉza iyira pʉwʉrʉ Juda nokʼobasi. Amonra ẽbẽra kayiruabasi akʉza yiwidʼibasi santora. Amon beibʉrʉde, Josiara pʉwʉrʉ Juda nokʼobasi. ¿Sõbe poagabasi Josiara nokʼobabisidadera? poaga ochobasi. ¿Yi zeze kĩrãkʼa ẽbẽra kayiruabasika?... Mawũãẽ ẽbẽra kayiruaẽbasi.

Soponiabara jarasi ẽbẽrarã bigaẽãta daizeze zeriẽã yiwidʼira

Wiña yiruiduba, Josiara Jeowaba jarabʉta okĩrãbasi. Maʉ̃ kʼãrẽa neũdukʼawua biata jʉrʉsi. Jʉrʉsi ẽbẽra Daizeze kãgapanʉta, akʉza maʉ̃raba kʼarebasida Jeowa bedʼea ũrĩta. ¿Kʼairabasi Josia neũdukʼawuarãra?

 Maʉ̃ranebema abara propeta Soponiabasi. Iyara jaraibarabasi naʉ̃ta ẽbẽra Judadebemara, daizeze zeriẽã ũrĩẽã yiwidʼipanʉbʉrʉ bia wãẽbaita ¿Kʼãrẽta osi Josiabara? ¿Ũrĩsika propeta bedʼeara? ũrĩsi, maʉ̃ba Jeowaba jarabʉtrʉ osi, mawũã santo daizeze zeriẽãba jarabʉta oẽbasi.

Josia neũdukʼawua ababemara Jeremiabasi, ãyira poaga abʼarikapanasi, akʉza ãyi warrarabasidera de arakaitapanasi. Jeremiata Josiaʉ̃mera ãyirai yi kʼarebasida Jeowaba jarabʉ oita. Ãyira neũdukʼawua biabasi, maʉ̃ba Josia beisidera Jeremiabara trãbi bʉsi jaraita kʼãrẽãba krĩcha obʉta.

Jeremiata Josiaʉ̃mera ãyirai yi kʼarebasida Jeowaba jarabʉ oita

¿Bʉmabida nemejãcha kʼawuaseapanʉ Josiadeba?... Iyara wiña yiruiduba ũrĩkĩrãbasi Daizeze bedʼeara. Maʉ̃ oira nesidabasi neũdukʼawua biara jʉrʉita Jeowa kãgapanʉta. ¿Bʉmabi bʉabida okĩrãbʉ Jeowaba jarabʉra? maʉ̃ba yibia neũdukʼawua bʉ kãgadai jʉrʉita.

AKɄDAYA DAIZEZE BEDʼEADE