Wãra kartama

Wãra yi ũmemae

Wãra yi bed’ea nabemamae

Jeowa ʉ̃rʉ K'awuabipanʉrã

embera katio

Wũãwũãra jaradiara

 YI 6

Dabira perakabasi

Dabira perakabasi

¿Kʼãrẽta obʉ perabʉrʉdera?... Kʼareba widibʉbaibara bʉ zezeʼa mawũãẽbʉrʉ bʉ papaʼa. Mamina maʉ̃ awuarabʉ bʉ kʼarebaseabʉta. Maʉ̃ra audre zareabarabʉ baduira. ¿Kʼawuabʉka kʼaita maʉ̃ra?... Kʼawuabʉ, maʉ̃ra Jeowa. Ewari jõmaʉ̃nẽ kʼareba widiseabʉ iyaʼa. Mawũã osi Dabibara. Iya Jeowata soiduba ĩjãbasibaera peraẽbasi. Maʉ̃ra Daizeze Bedʼeade jarabʉ.

Dabira wiña yiruiduba yi barirabara jaradiasi Jeowa kãgaita. Maʉ̃ba peraẽbasi iyira. Dayi daʉperabʉ ũdusimina. Iyara kʼawuabasi Jeowara iyi neũdukʼawuata akʉza iyi kʼarebaseabʉta. Ewariaba Dabira iyi obeja akʉbasi mawũãnʉmʉne degesi imamata mõbe aba erkãtotosi mawũẽra ¿Kʼãrẽta osi Dabibara? aramaʉ̃ta pẽwã wãsi imamara, jarabʉ iyi juwaba beasi kĩrãkʼabʉta. Akʉza uiba iyi obeja koita zesidebida Dabibara beasi. ¿Kʼaiba kʼarebasi Dabi peraẽbaira?... Mawũã, Jeowaba kʼarebasi.

Akʉza akʉdaya Dabi peraẽbadata. Maʉ̃ra berabarisi pʉwʉrʉ Israel yõ nʉmaside Pilisteorabawara. Maʉ̃ranebama Pilisteo korogoro aba yi trʉ̃ra Goliabasi maʉ̃ra jipa ẽbẽra zromabasi, iyira drazobasi, akʉza korogorora Israeldebemata imitia jarabasi akʉza Jeowata. Jarabasi, kʼaita mʉme peraẽ yõkĩrãbʉpe. Mamina jõmaʉ̃ta perapanasi akʉza mia abaʉta yõkĩrãẽbasi iyimera. Dabiba ũrĩside Goliaba jaradata, iyara jarasi mʉra yõñi bʉme Jeowaba kʼarebaibaera akʉza mʉa beayi bʉra. ¿Bʉmabida Dabira mia kʼãrẽsida peraẽbasi?... Mawũã, peraẽbasi, ¿Kʼãrẽta berabarisi maʉ̃ tẽãra?

Dabibara mõgara borokoa kaekaekirʉta juezoma jʉrepedasi akʉza erbasi pãgowata aba, maʉ̃ba wãsi Goliaʉ̃me yõne. Goliaba Dabi warrarata ũdusibaera ipidasi iyi kʼãrẽa. Aramaʉ̃ta Dabiba jarasi, bʉra mʉmara uru espada eda, mamina mʉra bʉmara wã Jeowa trʉ̃ne. Aramaʉ̃ta Dabibara iyi pãgowade mõgara aba kʉbʉpe wũẽbasi Goliama, mõbe jirabatatasi. Maʉ̃ mõgarãra degesi Golia datrʉma, aramaʉ̃ta beitabawãsi Goliara, Pilisteoraba  maʉ̃ berabaridogo ũdubʉrʉba, mejãcha perasida maʉ̃ba wũẽba wãsida. Dabira warrarabasimina beasi Goliara ¿Kʼaiba kʼarebasiba?... Jeowaba, iyira audre yi zroma badu ẽbẽrarãira.

Dabira peraẽbasi kʼawuabasibaera Jeowaba kʼarebaita

¿Kʼãrẽta jaradiabʉ Dabi berabaridabara?... Jeowara yi zromata badu ẽbẽrarãira, maʉ̃ba ewaria abaʉde perabʉbʉrʉ kĩrãbera naʉ̃ta, Jeowara bʉ neũdukʼawuata iyara kʼarebaseabʉ peraẽbaita.

AKɄDAYA DAIZEZE BEDʼEADE

  • Salmo 56:3, 4

  • 1 Samuel 17:20-54