Wãra kartama

Wãra yi bed’ea nabemamae

Jeowa ʉ̃rʉ K'awuabipanʉrã

Bed'ea jidara embera katio

9. ¿Naʉ̃ drʉa jõĩra arak’aitabaka?

9. ¿Naʉ̃ drʉa jõĩra arak’aitabaka?

1 JEOWABA JARABɄ K’ÃRẼTA BERABARITA Ʉ̃RÃ ZEIDERA

«Mʉ̃a naena jarabʉ tẽãne kʼãrẽ zeita, waidide ʉ̃tʉ zeẽna» (Isaías 46:10).

¿K’ãrẽta k’awuapanʉ drʉa jõĩ ʉ̃rʉra?

  • Daniel 7:13, 14

    Jesubara ʉ̃tʉba zok’a jʉ̃drʉsi 1914de.

  • Mateo 24:3-14

    Jesuba jaramabasi bed’ea pʉa zeita ẽbẽrarãita naʉ̃ drʉa jõbodoarera.

  • Revelación (Apocalipsis) 12:7-9, 12

    Jesuba zok’a jʉ̃drʉda tẽã, Jesukristobara Diarura (Ãtomĩara) ʉ̃tʉba jʉretasi egoro eda. Adewara, Diarura (Ãtomĩara) mejãcha kĩrʉbʉ k’awuabʉbaera ewari wĩkabata. Maʉ̃ ewari tẽã, Daizezebara iduaribiẽbayi ne k’ãrẽ mitia omarẽãra.

2 DAYIRÃRABɄ NAɄ̃ DRɄA JÕBODOARE

«Sãwũãĩpe bʉ zeira, sãwũãĩpe ewari nʉmʉta jõĩrã» (Mateo 24:3).

¿Bʉara ũdubʉka Daizeze Bed’eade jarabʉra aripe berabari nʉmʉra?

  • Mateo 24:7; Lucas 21:11

    Idira audrebʉ yõta, jarrabata, drʉa ureta, akʉza kaya daya ũdukata.

  • 2 Timoteo 3:1-5

    Apostol Pablobara jarasi naʉ̃ drʉa jõbodoarera ẽbẽra sãwũã panaita.

  • Daniel 12:4

    Daizezebara k’ãrẽbabʉ iyi k’aidupanʉrarã audre ẽza ũrĩmarẽã Daizeze Bed’eata.

  • Mateo 24:14

    Bed’ea bia Daizeze Nok’o ʉ̃rʉ jarabʉra jaradiapanʉ naʉ̃ drʉa jõmaʉ̃nẽ.

3 ORA JEOWABA KÃGABɄTA

«Jeowa ewarira ab’arika zeita ne zrugamia diamasi zebarikĩrãk’a» (1 Tesalonicenses 5:2).

Naʉ̃ drʉa jõĩra arak’aitaba baera ¿bʉra k’ãrẽta oibara?

  • Juan 17:3

    Daizeze Bed’eata kẽrẽpa akʉibara.

  • Hebreos 10:24, 25

    Wãibara Jeowa ʉ̃rʉ K’awuabipanʉrã ãba yi jʉrepanʉrãma audre k’awuaita.

  • Santiago 4:8

    Ne k’ãrẽ mitia jõma idubʉibara Daizeze neũduk’awuabaita.

  • Lucas 21:34-36

    Jeowa kãgaita, audre yibia baibara bʉ bebʉitara.