Thukihel-ah kanto

Menu nihna-ah kanto in

Thu kihelte-ah kanto

Jehovah Tecite

Chin (Tedim)

Pasian Kiang Pan A Lungdamhuai Thu!

 Lesson 8

Pasian In Siatnate Le Gimnate Ba’hang Phal Hiam?

Pasian In Siatnate Le Gimnate Ba’hang Phal Hiam?

Mihing’ ukna in leitung buainate na hemkhia zo-lo hi, cih a kilat na’ng Pasian in hun kicing pia

1. Siatnate koi bangin kipan hiam?

Satan in zuau a gena kipan leitungah siatna kipan hi. ­Satan pen a kipatin vantungmi hoih khat hi napi “thuman tawh kipawl thei lo hi.” (Johan 8:44) Aman, Pasian bek i biak pen na deih gawh nginge hi. Satan in numei masa Eve pen kheem a, Pasian’ kam sang ama kam a ngaih ding a hanciam hi. Adam zong Eve tawh kipawlin Pasian’ kam na maang lo hi. Adam’ khensatna hangin gimna le sihna hong kipan ahi hi.Piancilna 3:1-6, 19 na sim in.

Pasian’ kam a maang loh ding Eve pen Satan in a gena kipan Pasian’ thuneihna a langdo na hi nginge hi. Leitung mi a tamzaw in Satan tawh kipawla Pasian pen amau ukpa-in a nial uh hi. Tua manin Satan pen, “leitung a ukpa” hong suak hi.Johan 14:30; 1 Johan 5:19 na sim in.

2. Pasian’ bawlte kitangsapna a om naa?

Pasian’ bawlte-in kicingtaak hi. Pasian piansak mihingte le vantungmite in Pasian’ cingtaakna, etteh zawhna a nei uh hi. (Thu Hilhkikna 32:4, 5) Pasian in ahoih le ahoih lo deih banga a teel thei dingin hong piangsak hi. Tua in, ­Pasian pen itna takpi tawh a bia i hih lam kilak thei hi.James 1:13-15; 1 Johan 5:3 na sim in.

3. Pasian in gimnate, tu ciang ba’hang phal a hia?

Jehovah in a kiciangtan hun khat sung, ama thuneihna kilangpang dingin na phal hi. Ba’­hang ai’tam? Pasian a kihel lo ukna pen bangmah phattuamna om lo ding cih a lah nop man hi. (Thuhilhna 7:29; 8:9) Kum 6,000  sunga mihingte taangthu enleng na kilang hi. Mihing kumpite’n gal, gitlohna, thumanlohna, natnate hemkhia zo lo uh hi.Jeremiah 10:23; Rom 9:17 na sim in.

Mihing ki-ukna sangin, Pasian’ ukna a mangte na hampha ding uh hi. (Isaiah 48:17, 18) A sawt lo-in, Jehovah in mihing kumpi khempeuh sumaimang tading hi. Pasian ukna a teel mite bek leitung a luah ding uh hi.Isaiah 11:9; Daniel 2:44 na sim in.

Pasian pen Ukpa in deih maw deih lo, i teelna in lak

4. Pasian’ lungduaina in bang sepding hong ngahsak hiam?

Amau angsung a khual man bekin Jehovah bia uh, ci-in Satan in mite a ngawh hi. Hih pen kheemna ahih lam, na lak nuam hiam? Lak thei ni teh! Pasian a lungduai manin ama ukna ahihkeileh mihing’ ukna koi deih zaw cih teel thei hi hang. I nuntaak zia in bang teel i hiam, cih hong lak hi.Job 1:8-12; Paunak 27:11 na sim in.

5. Pasian pen Ukpa in bangci teel theih ding?

Lai Siangtho a bulphuh biakna man zongin, tua biakna manah kihelna tawh kiteel thei hi. (Johan 4:23) Jesuh mah bangin leitung gamvai, galvaite-ah kipawl lohna tawh, ­Satan pen hangsan takin nial ding a kul hi.Johan 17:14 na sim in.

Satan in ama vang tawh a kilawmlo gamtatna leh siatna a piangsak nate ­gamta ding in a hanthawn hi. Tua a hoih lote i pelh manin, lawm, beh le phung te’n hong zahpihin, zong hong langpang kha thei uh hi. (1 Peter 4:3, 4) Khat teitei i teel a kul hi. Pasian a it mite tawh kipawl ding maw? ­Pasian’ pilna le itna tawh a ki-at thukham zui ding maw? Tuate i zuih manin gentheih haksatna nuai-ah mite’n ­Pasian’ gen bangin gamta ke’n teh, cih Satan’ hong ngawh pen a nial zo i suak hi.1 Korin 6:9, 10; 15:33 na sim in.

Pasian in mihingte it ahih teh, siatna leh gimnate a ­maimang ding in na kiciansak hi. Tua kamciam um a, a zuite leitungah nuamtakin nungta suak ding uh hi.Johan 3:16 na sim in.