Thukihel-ah kanto

Menu nihna-ah kanto in

Thu kihelte-ah kanto

Jehovah Tecite

Chin (Tedim)

Pasian Kiang Pan A Lungdamhuai Thu!

 Lesson 5

Leitung A’ding Pasian’ Gelna In Bang Hiam?

Leitung A’ding Pasian’ Gelna In Bang Hiam?

1. Pasian in leitung ba’ hang piangsak hiam?

Jehovah in leitung pen pasal le numei a’ding a pia hi. Tua pen i teenna ahi hi. Nupa masa Adam le Eve vantungah a teeng dingin a bawl hi lo hi. Vantungah a teeng ding vantungmite Pasian in na piangsak khin hi. (Job 38:4, 7) Tua manin, Pasian in mihing masapa la-in, paradais kici etlawm Eden huan sungah a koih hi. (Piancilna 2:15-17) Jehovah in Adam leh a suan a khakte hih leitung ah nuam taka nuntak tawntung theihna a pia hi.Late 37:29; 115:16 na sim in.

A patcilin, hih Eden bek huannuam ahi hi. Nupa masate in a tu a tate tawh leitung ah a kidim ding uh hi. Amau sepkhiatna tawh leitung bup paakhuan nuam a suah dong a keek dinguh ahi hi. (Piancilna 1:28) Cik mah hunin leitung kisia lo ding a, a tawntungin mihingte’ inn hi ding hi.Late 104:5 na sim in.

2. Leitung pen ba’hang paradais suak nailo hiam?

Adam le Eve pen Pasian thu mang lo ahih manin Jehovah in huan sung pan a hawlkhia hi. Paradais kiman suah a, ngahkik ding mihingte’n kihanciam zo nawnlo hi. Lai Siangtho in, “Migilote’ khut sungah leitung kipia,” na ci hi.Job 9:24. Piancilna 3:23, 24.

Jehovah in mihingte a’ding a gel masak pen nusia ta maw? Hi kei! Pasian in vanglian peenpa hi a, hih lah neilo hi. (Isaiah 45:18) Pasian in na bawlkik ngeingei ding hi.Late 37:11, 34 na sim in.

3. Paradais bangci piangkik ding hiam?

Pasian’ Kumpi ahi Jesuh in a uk sungin leitung pen paradais kiphutkik ding hi. Jesuh in Pasian’ vantungmite ma­kaihin Armageddon kici galpi-ah Pasian a langpang khempeuh  susia mang ding hi. Tua khit teh, Satan pen Kum 1,000 sung thong a khia ding hi. Pasian’ mite kihonkhia ding a, Jesuh in a maute lamlakin a keem ding hi. Tawntung nuntakna zong kipia-in leitung Paradais ah nuamsa suak ding uh hi.Maangmuhna 20:1-3; 21:3, 4 na sim in.

4. Gimnate cikciang maimang ding a hia?

Gimnate Pasian in cikcing leitung pan heemkhia ding hiam? Jesuh in hun bei nading lahna “lim” hong pia hi. Tu lai leitung thu piangte in mihingte’ mailam patausak a, tuate en leng “hun bei ding” sungah i nuntak lam hong lak hi.Matthai 24:3, 7-14, 21, 22 na sim in.

Jesuh in vantung pan in leitung pen kum 1,000 sung ukin, gimna khempeuh a beisak ding hi. (Isaiah 9:6, 7; 11:9) Kumpi-in ahi zongin, Siampipa-in ahi zongin, sem dinga Pasian a it mite’ mawhnate hepkhiatsak ding hi. Hi bangin Pasian in Jesuh zangin natnate, haamna le teekna, sihna cihte heemkhia siang ding hi.Isaiah 25:8; 33:24 na sim in.

5. Paradais ah kua teeng ding hiam?

Pasian a itte leh a ma maipha ngah nuam a, a sin mite Mangam’ Innpi-ah mu ni teh

Pasian’ thu a maang mite Paradais ah teeng ding uh hi. (1 Johan 2:17) Jesuh in mi kiniamkhiatte zong dingin a nungzuite sawl a, Pasian’ san theih mi a suah na’ng un thu a hilh uh hi. Tu hunin zong, Jehovah in mailama hong pai ding leitung Paradais ah a nungta ding mi awn tampitak kigingsak hi. (Zephaniah 2:3) Jehovah Tecite’ Mangam Innpi (biakinn) ah mite’n pa hoih pasal hoih le zi hoih nu hoih a suah na’ng un a sin uh hi. Naupangte’n zong a nu a pa-te tawh biakpiakna nei khawm uha, Lai Siangtho theihna pan-in hamphatna a ngah nading a sin uh hi.Mikah 4:1-4 na sim in.