Thukihel-ah kanto

Menu nihna-ah kanto in

Thu kihelte-ah kanto

Jehovah Tecite

Chin (Tedim)

Pasian Kiang Pan A Lungdamhuai Thu!

 Lesson 7

Pasian Gam In Bang Hiam?

Pasian Gam In Bang Hiam?

Jesuh pen ba’hang a hoihpeen Kumpi hi a hiam?MARKA 1:40-42.

1. Pasian Gam in bang hiam?

Pasian Gam in vantung kumpi ki-ukna ahi hi. Tua in ki-ukna khempeuh hemkhia ding a, van le lei-a Pasian’ deihnate taangtung sak ding hi. Tua pen a lungdamhuai thu hi. A sawt lo-in Pasian Gam in hoih taka uk ding a, mite’ kisapnate pia ding hi. Mi khempeuh kipumkhatsak ding hi.Daniel 2:44; Matthai 6:9, 10; 24:14 na sim in.

Kumpi gam khatah kumpi a om kul hi. Jehovah in a Tapa Jesuh Khrih pen ama Gamah Kumpi dingin a koih hi.Maangmuhna 11:15 na sim in.

2. Jesuh pen ba’hang a hoihpeen Kumpi hi a hiam?

Jesuh pen hehpih thei a, thuman lamah citak ahih man hi. (Johan 1:14) Tua banah, vantung pan in hong ukding ahih manin mite a panpih theih na’ng thahatna kicing a nei hi. Amah a thawhkik khit ciangin vantungah kahto a, ukna a ngah na’ng Jehovah’ taklamah a ngak hi. (Hebru 10:12, 13) A tawpna-ah, Pasian in thuneihna pia-in, uk a kipan ding hi.Daniel 7:13, 14 na sim in.

3. Jesuh tawh kuan uk khawm ding?

Pasian’ mite “mi siangthote” a kici honkhat tawh vantung panin a uk khawm ding hi. (Daniel 7:27, NW ) A kiteel masa mi siangthote pen Jesuh ii a citak sawltakte hi. ­Jehovah in a citak numei pasal, mi siangtho dingin tu ciang dong a teel lai hi. Jesuh bangin kha pumpi-in thokik ding uh hi.Johan 14:1-3; 1 Korin 15:42-44 na sim in.

 Mi bangzah vantung pai ding uh aa? Jesuh in a maute pen, “Tuuhon tawmnote,” na ci hi. (Luka 12:32) A vek un 144,000 pha ding uha, Jesuh tawh leitung a uk khawm ding uh hi.Maangmuhna 14:1 na sim in.

4. Jesuh uk a kipat ciang bang hong piang ding?

Pasian Gam 1914 * kumin uk kipan hi. Jesuh’ asep masak pen in Satan le dawite leitungah a lawnkhia hi. Satan zong hehlua-in leitung munkimah buainate a piangsak pah hi. (Maangmuhna 12:7-10, 12) Tua-a kipan mihingte tungah siatnate hong tam semsem hi. Galpi, kialpi, natnapi le ziinliing nate in a sawt lo-in Pasian Gam in leitung paiziate nopneh tading cih lahna “lim” ahi hi.Luka 21:7, 10, 11, 31.

5. Pasian Gam in bang taangtungsak ding hiam?

Pasian Gam in leitungbup thu taangkona tawh minam tampi pan mihonpite kipumkhatsak hi. Mi awn tampite’n Jesuh’ ukna na maangta uh hi. Pasian Gam in hih leitung siatnate a hepkhiat ciangin kidalna na ngah ding uh hi. Tua ahih teh, Pasian Gam pan hamphatna a ngah nuam te’n ­Jesuh’ ukna a maangmi ahih na’ng thu a sin ding uh kilawm hi.Maangmuhna 7:9, 14, 16, 17.

Kum 1,000 sungin Pasian Gam in mihingte a’ding Pasian’ gel masak pen hong taangtungsak ding hi. Leitung bup paradais hong piang ding hi. A tawpna-ah, Jesuh in a Kumpi ukna a Pa kiang a piakik ding hi. (1 Korin 15:24-26) Pasian Gam thu mi khat peuhpeuh kiang ah na gen nuam hiam?Late 37:10, 11, 29 na sim in.

 

^ akhen. 12 For details of how Bible prophecy foretold the year 1914, see pages 215-218 of the book What Does the Bible Really Teach?