Thukihel-ah kanto

Menu nihna-ah kanto in

Thu kihelte-ah kanto

Jehovah Tecite

Chin (Tedim)

Pasian Kiang Pan A Lungdamhuai Thu!

 Lesson 15

Ba’hang Na Sinsuak Ding Kilawm Hiam?

Ba’hang Na Sinsuak Ding Kilawm Hiam?

1. Lai Siangtho sinsuak lecin bang hamphatna ngah ding?

Lai Siangtho thugil na sinte, le-etkik lecin Jehovah tung na itna hong kip ding hi. Tua itna na pattah suak ding a kul hi. (1 Peter 2:2) Nang ii tawntung nuntak lametna pen Lai Siangtho sin a, Pasian tawh na kinaih semsem na’ng na ­hanciamna tawh kisai hi.Johan 17:3; Jude 21 na sim in.

Pasian na theihna a khantoh mah bangin na upna zong hong khauh ding hi. Upna in Pasian lungsim tawh na kituak na’ng hong huh ding hi. (Hebru 11:1, 6) Tua bannah na ­nuntaak dan zong kisiikin hong kikhelsak ding hi.Sawltak 3:19 na sim in.

Jehovah tawh ahoih peen kizawpna ngah thei hi teh

2. Pasian na theihna pan mite’n bangci phattuamna ngah uh hiam?

Natheihsa thute midangte kiang gen nuam ding hi teh. A lungdamhuai thu ahih leh kigen nuam hi. Lai Siangtho na sinsuak kawmin Jehovah leh a lungdamhuai thu tawh kisai na upnate na gen ciangin Lai Siangtho bangci zatding cih thei ding hi teh.Rom 10:13-15 na sim in.

Mi a tamzawin a kinaipihte, a lawmte kiang a lungdamhuai thu gen kipan uh hi. A upnate uh khial hi, ci-in gen ken la, pilvang takin Pasian’ ciamsa thute bek na gen in. Na theih ding khatah, na thu gente sangin migi-a na gamtatdante na enzaw uh, cih na phawk in.2 Timoti 2:24, 25 na sim in.

3. Pasian tawh kizopna pan bang thupha ngah ding?

Lai Siangtho na sinna in Pasian tawh hong kinaisak zaw ding hi. A zomah Jehovah tawh kilawmtaakna na ngah ding hi. Pasian’ innkuanpih dingin ama’ neihsa na hi ding hi.2 Korin 6:18 na sim in.

 4. Bangci khangto suak thei ding na hiam?

Lai Siangtho sinsuak le cin Pasian thu ah khangto suak ding hi teh. (Hebru 5:13, 14) Lai Siangtho Hilh Takpi In Bang Hiam? cih laibu tawh sinkhawm dingin Jehovah Tecite khat na ngen in. Pasian’ Kammal thei semsem le cin lawh cing semsem ding hi teh.Late 1:1-3; 73:27, 28 na sim in.

A lungdamhuai thu pen a lungdam Pasian Jehovah kiangpan hongpai hi. Pasian a bia mite tawh na kilawmta le teh, Pasian tawh kinaih zaw ding hi teh. (Hebru 10:24, 25) A lungsim tawh kituakin na hanciam suak leh tawntung nuntakna na ngah ding hi. Pasian tawh kinaih ding na bawlna pen na sep khempeuh lakpan a hoihpen a sem na hi hi.1 Timoti 1:11; 6:19 na sim in.

 

SIN BEH IN

KIKHOPNATE

Mangam Innpi-ah Bang Kibawl Hiam?

A sungah luut in la na en in.

A Khongin Lai Siangtho Sinding Ngetna

Lai Siangtho Ba’ hang Sinkul Hiam?

Leitung munkima om mi awn tampite a’ ding, Lai Siangtho in, nuntaakna i dotnate’ dawnna, na panpih hi. Nangh zong na theinuam hiam?