Thukihel-ah kanto

Menu nihna-ah kanto in

Thu kihelte-ah kanto

Jehovah Tecite

Chin (Tedim)

Pasian Kiang Pan A Lungdamhuai Thu!

 Lesson 14

Pasian In Kipawlna Khat Ba’hang Nei Hiam?

Pasian In Kipawlna Khat Ba’hang Nei Hiam?

1. Taanglai Israel minamte Pasian in ba’hang na phutkhia hiam?

Pasian in taanglai pupi Abraham suan le khakte minam­khat in phutkhia-a, thukham na pia hi. “Israel” cih min pia a, ama kammal leh biakna man zuih ding ngeina kip pia hi. (Late 147:19, 20) Israel minam tungpan minam khempeuh in thupha a ngah ding uh ahi hi.Piancilna 22:18 na sim in.

Pasian in Israel minam pen ama teci dingin a teelkhia hi. Pasian’ thukham zuihna in bangzah taka thupha ngah cih, amau taangthu panin hongthei sak hi. (Thu Hilhkikna 4:6) Midangte’n Israel minam tungtawn in a man Pasian a thei ding uh hi.Isaiah 43:10, 12 na sim in.

2. A man Khristiante ba’hang kiphutkhia hiam?

A nung ciangin, Israel te’n Pasian maipha khahsuah uh a hih manin Jehovah in Khristian Pawlpi tawh na laih hi. (Matthai 21:43; 23:37, 38) Tu-in, Israel minam munah a man Khristian in Jehovah’ Tecite-in na hong sem uh hi.Sawltak 15:14, 17 na sim in.

Jesuh in mikhempeuh thu taangko ding leh a ma nungzui a suah na’ng, a nung zuite na phutkhia hi. (Matthai 10:7, 11; 24:14; 28:19, 20) Leitung hun bei ding naita a, tu in tua nasepna a khum dong hong tung ta hi. Mihing tangthu ah a masapen in Jehovah in mi namkim pan mi awntampite biakna man-ah a kaikhawm hi. (Maangmuhna 7:9, 10) Khat le khat kihuhin tha kipiak nading Khristian man na kiphut hi. Leitungbupa amau kikhopnate-ah Lai Siangtho thu hilhna kibangin a ngahna uh pan na kipaak uh hi.Hebru 10:24, 25 na sim in.

 3. Khangthak Jehovah Tecite’ kipawlna bangci kipan hiam?

Kum 1870 a cinkhit kumte ah Lai Siangtho sangnaupang pawlkhat in, kumtampi a kiselcip Lai Siangtho thumante hong mukhia uh hi. Mite kiang thu taangko dingin Jesuh in Khristian pawlpi phutkhia hi, cih na thei uh a, leitung bup Pasian Gam taangkona na kipan uh hi. 1931 kum ciangin Jehovah Tecite, cih min na luah uh hi.Sawltak 1:8; 2:1, 4; 5:42 na sim in.

4. Jehovah Tecite’n bangci vaihawmna nei uh hiam?

Kumzalom masa lai-in, mun tuamtuam a, om Khristian pawlpite a makaai dingin ukpite om a, Jesuh pen pawlpi lutang in na sang uh hi. (Sawltak 16:4, 5) Tu hunin zong, a picing upa-te tawh kiphut Ukpite’ lamlahna pan Jehovah Teci te’n hamphatna na ngah uh hi. Tua Ukpite’n Lai Siangtho sin nading a panpih laibu kampau 600 val-in a kiletkhiatna, a kikheenkhiatna, a kihawmkhiatna Jehovah Tecite’ zumte na uk uh hi. Tua hang in leitungbupa om pawlpi 100,000 valte Ukpite’n Lai Siangtho thupiakna leh thapiaknate na pia thei uh hi. Pawlpi khatciat-ah a picing pasalte in upa-in na a sem uh hi. Amaute in Pasian’ tuu-te itna takpitawh a kemcing uh hi.1 Peter 5:2, 3 na sim in.

Jehovah Tecite pen, a lungdamhuai thu taangko ding leh nungzui suahsak nadinga a kiphutkhia ahi hi. Sawltakte bangin innsim ah pai-in ka gen uh hi. (Sawltak 20:20) Tua banah thuman a it migite Lai Siangtho sin pih dingin ka zawn uh hi. Ahih hang Jehovah Tecite pen pawlphuat thak khat hi lo hi. Itna tawh kidim Pa a nei innkuan khat ka hi uh hi. Khat le khat a kidon unau nu leh unau pa ka hi uh hi. (2 Thesalonika 1:3) Jehovah’ Tecite pen Pasian’ ­lungsim tawh a kituak na’ng leh khat le khat tha kipia ding in kiphut khia ahih ciang, amaute pen leitungah nuam asa peen ­innkuan na hi uh hi.Late 33:12; Sawltak 20:35 na sim in.