Thukihel-ah kanto

Menu nihna-ah kanto in

Jehovah Tecite

Chin (Tedim)

Mailam Thu Bangci Muh Na Hiam?

Mailam Thu Bangci Muh Na Hiam?

Leitung thupiangte in . . .

  • Tu’ a banga om suak ding maw?

  • Tu’ a sanga siazaw ding maw?

  • Tu’ a sanga hoihzaw ding maw?

 LAI SIANGTHO GENNA

“Pasian in . . . amaute’ mit panin khitui khempeuh nulsak ding hi. Thu luisate maimang khinta ahih manin sihna, dahna, le na sa-a kahna cihte om nawn lo ding hi.”—Maangmuhna 21:3, 4

TU’ A NA SIMNA PAN NANGH A’ DING A KHIATNA IN

Khiatna nei-in, lungkimna hongpia nasep.—Isaiah 65:21-23.

Natna, Gentheihnate maimang.—Isaiah 25:8; 33:24.

Innkuan pihte, lawm le gualte tawh nuamtak in nungtasuak thei.—Late 37:11, 29.

 LAI SIANGTHO GENTE A UPHUAI NAA?

Uphuai mah. Ahang a tawm peen nih om:

  • Pasian in a thu ciamsa, a kicingsak zo thahat pa hi. Jehovah Pasian pen ciangtan omlo thahatna nei ahih man-a, “A Vanglian Topa Pasian,” ci-in Lai Siangtho-ah amah bekmah na ci hi. (Maangmuhna 15:3) Tua hi-a, Pasian in leitung thute a hoih zaw in khel ding cih, a ciamsa mah bangin hong hihsak thei hi. “Pasian in na khempeuh hihthei hi,” ci-in Lai Siangtho sungah kigelh hi.—Matthai 19:26.

  • Pasian in a ciamsa banga, a cin ding ut hi. Gentehna in, Pasian in misite a hinkik ding lunggulh mahmah hi.—Job14:14,15.

Pasian’ Tapa, Jesuh in cinate a damsakna zong Lai Siangtho-ah na om hi-a, ba’ hang damsak a’ i tam? Natnate a maimang na’ ng a deih man na himawk hi. (Marka 1:40, 41) Jesuh pen a Pa mah banga mihingte huhnopna na nei hi.—Johan 14:9.

Tua ahih manin Jehovah Pasian leh Jesuh in ei-te nuamtak a, mailamah i nuntaakden ding, a deihna uh kician hi cih, lungmuanna hongpia hi.—Late 72:12-14; 145:16; 2 Peter 3:9.

 NGAIHSUT LAAI DING

I leitung a hoihzawk na’ ng Pasian in bangci hong khelsak ding hiam?

Tu’ a dotna a’ ding Lai Siangtho’ dawn na pen MATTHAI 6:9, 10 leh DANIEL 2:44 te-ah na sim in.

SIN BEH IN

PASIAN KIANG PAN A LUNGDAMHUAI THU!

Leitung A’ding Pasian’ Gelna In Bang Hiam?

Pasian in ba’hang leitung piangsak a, gimnate cikciang maimang ding a, leitung pen mailamah kua’n uk ding leh kuate leitungah teeng ding cihte Lai Siangtho in hilhcian hi.

PASIAN KIANG PAN A LUNGDAMHUAI THU!

Pasian Gam In Bang Hiam?

Pasian Gam’ kumpi-in kua hi a, Mangam in bang tangtungsak ding hiam?