Thukihel-ah kanto

Menu nihna-ah kanto in

Jehovah Tecite

Chin (Tedim)

Gimnate A Maimang Ding Hiam?

Gimnate A Maimang Ding Hiam?

Nangh bangci ngaihsut . . .

  • Maimang ding

  • Maimang lo ding

  • Maimang thei kha ding

 LAI SIANGTHO GENNA

“Pasian in . . . amaute’ mit panin khitui khempeuh nulsak ding hi. Thu luisate maimang khinta ahih manin sihna, dahna, le na sa-a kahna cihte om nawn lo ding hi.”—Maangmuhna 21:3, 4.

TU’ A NA SIMNA PAN NANG A’ DING A KHIATNA IN

I buainate Pasian piansak hi lo cih muanna.—James 1:13.

Gimna i thuak ciang, Pasian in hongtheihpih hi cih i theihna pan a kingah hehnepna.—Zekhariah 2:8.

Gimna khempeuh maimang ding cih lametna.—Late 37:9-11.

 LAI SIANGTHO GENTE A UPHUAI NAA?

Uphuai mah. Ahang a tawmpeen nih om:

  • Pasian in gimnate leh gitlohnate mudah. Lai Siangtho hunlai-in Jehovah Pasian’ mite zawhthawh bawlsiatna a tuahuh ciang, Pasian’ lungsim bangci om cih ngaih sun in. Amaute “a gimsak a nengniamte’’ hangin Pasian lungsim dahsak hi, ci-in Lai Siangtho-ah ci hi.—Thukhente 2:18.

    Midangte siatna a tuaksak te Pasian in mudah mahmah hi. Gentehna in, Lai Siangtho-ah “mawh nei lo mi thahna” te Pasian in ensan ngiat hi, na ci hi.—Paunak 6:16, 17.

  • Pasian in eite khatciatin hong don hi. Mihingte’ n “amau nat le a dahna ciat uh’’ bek thei hilo-in, Jehovah in zong theih pih hi.—2 Khang Tangthu 6:29, 30.

Jehovah in ama Gam ki-ukna tawh mi khatciat i gimnate a sawt lo-in beisak ding hi. (Matthai 6:9,10) Tu’ a masungin, Pasian in a lungsim takpitawh amah a zong mite na hehneem hi.—Sawltak 17:27; 2 Korin 1:3, 4.

 NGAIHSUT LAAI DING

Pasian in gimnate ba’ hang phal hiam?

Tu’ a dotna a’ ding Lai Siangtho’ dawnna pen ROM 5:12 leh 2 PETER 3:9 te-ah na sim in.