Thukihel-ah kanto

Menu nihna-ah kanto in

Jehovah Tecite

Chin (Tedim)

Pasian Gam In Bang Hiam?

Pasian Gam In Bang Hiam?

Nangh bangci ngaihsut . . .

  • na lungsim sunga a om khat maw?

  • genkakna khat maw?

  • vantunga om ki-ukna khat maw?

 LAI SIANGTHO GENNA

“Vantung Pasian in a bei thei ngei lo ding kumpi gam a hong phut ding hi.”—Daniel 2:44.

“Eite tungah tapa khat hong kipia hi. Amah pen eite hong ukpa hi ding hi.”—Isaiah 9:6.

TU’ A NA SIMNA PAN NANG A’ DING A KHIATNA IN

  • Thumanna tawh hong ki-ukna pan, phattuamna na ngah thei hi. —Isaiah 48:17, 18.

  • Hong tungding leithakah, bukim taka cidamna leh lungnopna kingah ding hi.—Maangmuhna 21:3, 4.

 LAI SIANGTHO GENTE A UPHUAI NAA?

Uphuai mah, Ahang a tawmpeen nih om:

  • Pasian Gam in hong bawlsak dingte Jesuh in na lakkhol hi. Jesuh in a nungzuite kiangah Pasian Gam hong pai ding leh Pasian deihna leitungah a kicin ding in thungen un, ci-in hilh hi. (Matthew 6:9, 10) Hih thungetnate bangci danin tangtung ding cih, zong Jesuh in na lakkhia hi.

    Jesuh leitungah a om lai-in gilkialte anvak a, cinate damsak in, misite zong hingkik sak hi! (Matthai 15:29-38; Johan 11:38-44) Mailamah Pasian Gam’ kumpi a sem ding Jesuh in hong bawlsak dingte lahkholhna-in a bawl ahi hi.—Maangmuhna 11:15.

  • Leitung paiziate in Pasian Gam a sawt lo-in hong tung ta ding cih, kipsak hi. Pasian Gam in leitungah kilemna hong bawlsak ma in, leitungah gal kidona, kialpi tunna, zinlingnate piang masa ding ci-in, Jesuh in na genkhol hi.—Matthai 24:3, 7.

    Tu hunah tua genkholhte kimu ta hi. Tua ahih manin Pasian Gam in hih buainate khempeuh a sawt lo-in hemkhiata ding hi cih, lungmuanna hong pia hi.

 NGAIHSUT LAAI DING

Pasian Gam’ ukna nuai-ah nuntakna in koi bang hi ding hiam?

Tu’ a dotna a’ ding Lai Siangtho’ dawnna pen LATE 37:29 leh ISAIAH 65:21-23 te-ah na sim in.

SIN BEH IN

PASIAN KIANG PAN A LUNGDAMHUAI THU!

Leitung A’ding Pasian’ Gelna In Bang Hiam?

Pasian in ba’hang leitung piangsak a, gimnate cikciang maimang ding a, leitung pen mailamah kua’n uk ding leh kuate leitungah teeng ding cihte Lai Siangtho in hilhcian hi.