Thukihel-ah kanto

Menu nihna-ah kanto in

Jehovah Tecite

Chin (Tedim)

Lai Siangtho Pen Nangh Bangcih Muh Na Hiam?

Lai Siangtho Pen Nangh Bangcih Muh Na Hiam?

Nangh bangci gen ding . . .

  • mihing’ pilna tawh a kigelh laibu

  • phuahtawm taangthu bu

  • Pasian’ kammal

 LAI SIANGTHO GENNA

“Lai Siangtho pen Pasian’ lamlahna tawh a hong kipia hi.”—2 Timoti 3:16

TU’ A NA SIMNA PAN NANG A’ DING A KHIATNA IN

Nuntaakna tawh kisai dotnate a’ ding a lungkimhuai dawn’ na.—Paunak 2:1-5.

Nisim i nuntaak nading a muanhuai lamlahna—Late 119:105.

Mailam a’ ding a kician lametna.—Rom 15:4.

 LAI SIANGTHO GENTE A UPHUAI NAA?

Uphuai mah. Ahang a tawmpeen thum om hi:

  • A kitukalh vet lo. Lai Siangtho pen kum 1,600 kiim sung in, mi 40 phial in gelh uh hi. Amaute lakah a tamzaw in khat le khat kimu ngeilo uh hi napi’ n, thu paipi khatbek bulphuh a, gelh ahih man-un, Lai Siangtho a buppi-in ki thutuak hi.

  • A zahtaakhuai taangthu. Taangthu siamte in amau’ gualzawhnate bek gelh uh hi. Ahih hangin, Lai Siangtho a gelhte in amau le amau minamte’ ginaatlohnate nangawn iim lo-in gelh uh hi.—2 Khang Tangthu 36:15, 16; Late 51:1-4.

  • A taksanhuai genkholhnate. Tanglai Babylon khuapi kisiading cih tawhkisai Lai Siangtho in kum 200 ma-in na genkhol hi. (Isaiah 13:17-22) Babylon khuapi bangcih danin guallel ding, cih banah a gualzopading min nangawn na genkhol hi.—Isaiah 45:1-3.

Lai Siangtho genkholh tampitak athem aneng a kipan kicing khin hi. Tua manin Lai Siangtho pen Pasian’ lamlahna tawh a kigelh hi, cih pen hong saangsak hi mawkta hi.—2 Peter 1:21.

 NGAIHSUT LAAI DING

Na nuntaakna-ah Lai Siangtho in bang phattuamna hong ngahsak ding a’ hiam?

Tu’ a dotna a’ ding Lai Siangtho’ dawnna pen ISAIAH 48:17, 18 leh 2 TIMOTI 3:16, 17 te-ah na sim in.

SIN BEH IN

PASIAN KIANG PAN A LUNGDAMHUAI THU!

A Lungdamhuai Thu Pasian Kiang Pan Maw?

Lai Siangtho’ thupuak man takpi cih kiciatna bang cih neih ding?