Thukihel-ah kanto

Menu nihna-ah kanto in

Jehovah Tecite

Chin (Tedim)

Misite A Hingkik Ding Hiam?

Misite A Hingkik Ding Hiam?

Nangh bangci ngaihsut . . .

  • hingkik ding

  • hingkik lo ding

  • hingkik thei kha ding

 LAI SIANGTHO GENNA

“Hingkiksak. . . ding hi.”—Sawltak 24:15.

TU’ A NA SIMNA PAN NANG A’ DING A KHIATNA IN

I itte a sih ciang, huhna leh hehnepna kingah.—2 Korin 1:3, 4.

Sihna hong lausak lo.—Hebru 2:15.

A sikhin i it mite tawh kimukik ding cih lametna.—Johan 5:28, 29.

 LAI SIANGTHO GENTE A UPHUAI NAA?

Uphuai mah. Ahang a tawm peen thum om:

  • Pasian in nuntaakna a piangsakpa ahi hi. Jehovah Pasian pen, “nuntakna tuinak,” ci-in Lai Siangtho in na gen hi. (Late 36:9; Sawltak 17:24, 25) A nungta khempeuh hinna a piapa in misite a hinkik nading pello-in bawl thei hi.

  • Pasian in a beisa hunlai in mi pawlkhatte hingkiksak. Mi giat-te thu Lai Siangtho in na ciamteh a, amaute’ lakah khangno, khanghaam, numei, pasal kihel gai uh hi. Mi pawlkhatte in a sihkhit a sawt lo-in hingkik uh-a, hankhuuk pan nili khit ciang a hingkik zong na om hi.—Johan 11:39-44.

  • Pasian in a sisate a hinkik ding lawp mahmah hi. Jehovah in sihna mudah a, gal khat bangin namu hi. (1 Korin 15:26) Tua sihna gal suksiat ding lunggulhna a neihmanin, misite hingkiksak ding hi. Pasian’ phawkna sunga omte hingkik ding a, amaute leitungah teengkiksak nuam hi.—Job 14:14, 15.

 NGAIHSUT LAAI DING

Ba’ hang eite teekin si i hi hiam?

Tua dotna a’ ding Lai Siangtho’ dawnna pen PIANCILNA 3:17-19 leh ROM 5:12 te-ah na sim in.

SIN BEH IN

PASIAN KIANG PAN A LUNGDAMHUAI THU!

A Site A’ding Bang Lametna Na Om Hiam?

I sih ciang bang piang ding? I it a site i mukik ding hiam?