Skip to content

Skip to secondary menu

Jehovah’s Witnesses

Ininîmowin

Anikik kâ-kî-nipicik kehcinâc nâ ta-kî-pimâtisiwak kîhtwâm?

Anikik kâ-kî-nipicik kehcinâc nâ ta-kî-pimâtisiwak kîhtwâm?

Ômisi nâ kika-itwâhtay . . .

  • tâpwe?

  • mwâc?

  • ahpwetikwe?

 E-ITASTEK KIHCI-MASINAHIKAN

“Kita-ihtakwan âpisisinowin.”​—Acts 24:15, New World Translation.

TÂNISI KE-KÎ-TÔTAMÂKOYAN KÎNA OHCI

Kiminotehenikon kâ-sâkihacik anikik ispî wekâ e-pimâtisicik.—2 Corinthians 1:3, 4.

Kipaspîhikon wekâ kâ-kostâtehenihtaman nipowin.—Hebrews 2:15.

Tâpwe aspenimowin kitayân ispî kîhtwâm wîcewatwâki anikik kâ-kî-sâkihacik wekâ kâ-pimâtisicik. —John 5:28, 29.

 KIKA-KÎ-TÂPWEHTENÂNAW NÂ TÂNISI KIHCI-MASINAHIKAN E-ITWEMAKAHK?

Tâpwe, nisto kekwâna ohci ôhi:

  • Manitôw wîna kâ-kî-osihtât pimâtisiwiniw. Kihci-Masinahikan isinihkâtew Manitôwa Jehovahwa “kâ-ohcipanik pimâtisiwin.” (Psalm 36:9; Acts 17:24, 25) Ana kâ-kî-mînât pimâtisiwiniw kahkinaw kâ-pimâtanik kehcinâc kita-kaskihtâw kîhtwâm kita-mînât pimâtisiwiniw anihi awiya kâ-kî-nipinit.

  • Manitôw kî-pe-âpisisimew ininiwa pe-otânâhk. Kihci-Masinahikanihk âcimâwak ayinânew ininiwak—oskâtis, kehteyâtis, nâpew, ekwa iskwew—kîhtwâm kî-pimâtisiwak ôta askîhk. Âtiht môna ohci pimâtisiwak acinaw mâka peyak kî-ayâw asiniy nahanitowikamikohk newo kîsikâw!—John 11:39-44.

  • Manitôw mitoni tepenimow kita-tôtahk kîhtwâm. Jehovah pakwâtam nipowin; kanawâpahtam tâpiskôc onôtinikew. (1 Corinthians 15:26) Nôhte-paskinawew anihi onôtinikewa, kita-wîkatenam nipowiniw kita-âpacihcitâw âpisisinowiniw. “Mitoni natawenihtam” kita-pe-kîwehtahât anihi wekâ kâ-wani-kiskisit ekwa kita-wâpamât ôhi kîhtwâm kita-pimâtisinit ôta askîhk.—Job 14:14, 15.

 MÂMITONENIHTA ÔMA

Kekwân ohci e-ati-kehteyâtisiyahk ekwa e-ati-nipiyahk?

Kihci-Masinahikan naskwewasihtâw ômeniw kakwecihkemowiniw ôta GENESIS 3:17-19 ekwa ROMANS 5:12.